PUL
.jpg)
Bu salat XIX əsrdə Rusiyada fransız aşbazı Lyusyen Olivye tərəfindən hazırlanıb.
Milli.Az saglamolun.az-a istinadən bildirir ki, sovet vaxtında salatın tərkibi xeyli dəyişildi və indi biz məhz bu sovet salatını "Olivye" kimi tanıyırıq və sevirik. Salatın müxtəlif reseptləri var. Sizə bu salatın klassik reseptini təqdim edirik.
İnqrediyentlər:
- 4 orta ölçüdə kartof
- 3-4 kök
- 4-5 yumurta
- 350 qr bişmiş mal əti
- 4-5 duzlu xiyar (kornişon)
- 450 qr konservləşdirilmiş yaşıl noxud
- 250-300 qr mayonez
- duz, istiot (zövqə görə)
Hazırlanması:
1. Ət bişirilir və soyudulur.
2. Kartof, kök və yumurta bişirilir və soyudulur.
3. Bütün inqrediyentləri kiçik kublar şəklində doğranılır və enli qaba yığıb qarışdırılır.
4. Noxudun suyunu süzün və noxudu salata əlavə edin.
5. Göyərtiləri xırda doğrayın və salata əlavə edin.
6. Mayonez, duz, istiot əlavə edin və salatı yaxşı qarışdırın.
7. Salat süfrəyə enli şüşəli qabda verilir. Salatın üzərini zövqünüzə görə bəzəyin.
Nuş olsun!
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
