Kulinariya

3 inqredientli yalançı profiterol

3 Yanvar 2026 23:13

Baxış: 2 372

VTB-də minimal faiz dərəcəsi ilə nağd kredit 9.9%-dən

#KULİNARİYA

Bu şirniyyatın ən böyük üstünlüyü xəmir bişirmək probleminin olmaması və evdəki sadə məhsullarla hazırlanmasıdır.

Milli.Az lazım olan ərzaqları təqdim edir:

1 paket "kedidili" biskviti (alternativ olaraq petibör peçenyesi və ya boyatlamış keks də olar).

Kremi üçün: 2 paket krem-şanti (1.5 stəkan soyuq süd ilə çalınacaq) və ya hazır pasta kremi.

Üzəri üçün: 1 paket hazır şokolad sosu (paket üzərindəki təlimata uyğun hazırlanmış).

Hazırlanması
"Kedidili" biskvitləri dərin bir qaba əlinizlə 3-4 hissəyə bölün. Çox xırdalamayın ki, kremlə qarışanda itməsin.

Soyuq süd ilə qatılaşana qədər çaldığınız krem-şantini biskvitlərin üzərinə tökün. Spatula ilə biskvitlər kremlə tamamilə örtülənə qədər qarışdırın.

Hazırladığınız qarışığı bir şüşə qaba (borcam) yayın və ya dondurma qaşığı ilə kiçik toplar halında servis boşqabına düzün. Top formasında düzmək vizual olaraq əsl profiterola daha çox bənzəyəcək.

Hazırlayıb tamamilə soyutduğunuz şokolad sosunu krem toplarının hər yerini örtəcək şəkildə üzərinə gəzdirin. (Sosun soyuq olması kremin əriməməsi üçün vacibdir).

Vaxtınız varsa, şirniyyatı soyuducuda 1-2 saat dincəldin. Üzərini püstə, kokos və ya fındıq qırıntıları ilə bəzəyə bilərsiniz.

Hazırlanma Sirləri
Şokolad sosunu hazırlayarkən paketin üzərində yazılan süd miqdarını yarım stəkan azaldın. Beləcə daha tünd və iştahaaçan bir sos əldə edərsiniz.

Əgər biskvitlərin çox xırtıldayan qalmasını istəmirsinizsə, qarışdırmazdan əvvəl onları çox az süd ilə nəmləndirə bilərsiniz.

Qonaqlara təqdim edərkən üzərinə şokolad sürtgəcdən keçirərək "restoran üsulu" görünüşü qazandırın.

Lalə Qüdrətova
Milli.Az