Kulinariya

Bu türk yeməyi dünyanın ən pis yeməyi seçildi

13 Yanvar 2025 14:18
Baxış: 18 509
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #KULİNARİYA #MƏTBƏX

Dünyanın ən prestijli qastronomiya platformalarından biri olan TasteAtlas 2024-cü ilin ən aşağı bal toplayan yeməklərini açıqlayıb.

Milli.Az Türk mediasına istinadla xəbər verir ki, bu il "dünyanın ən pis yeməkləri" siyahısına Türkiyədən daha bir yemək daxil edilib.

Platforma bu dəfə 100 yeməyi qiymətləndirərək, ən pis reytinq alanları açıqlayıb. Siyahıda Finlandiya birinci yeri tutarkən, İspaniya və İsveç kimi ölkələr də yüksək pillələrdə yer alıb. Türkiyədən isə bu il kapuska 2,8 bal toplayaraq dünyanın ən pis yeməkləri arasında göstərilib. Kapuska kələm, düyü və bəzən ətlə hazırlanan ənənəvi bir yeməkdir və xüsusilə Qara dəniz və Anadolu mətbəxində məşhurdur.

Keçən il isə kələm supu "dünyanın ən pis yeməkləri" siyahısına daxil edilmişdi. Bu il Türkiyədən başqa bir yeməyin də siyahıya daxil edilməsi, sosial mediada türk mətbəxi ilə bağlı müzakirələrə səbəb olub.  Lakin, qeyd edək ki, TasteAtlas-da türk mətbəxi həm də ən yaxşı yeməklər arasında yer alır, belə ki, türk kababları, paxlava və mantı tez-tez müsbət qiymətləndirilən yeməklər arasındadır.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.