Kulinariya

Sizi diabetdən xilas edəcək makaron necə bişirilir?

5 Yanvar 2024 08:08

Baxış: 2 223

#MARAQLI #KULİNARİYA #MƏTBƏX

Makaron karbohidratlarla çox zəngindir və buna görə də yüksək şəkər səviyyəsi olan insanlar üçün sağlam qida deyil.

Milli.Az lent.az-a istinadən xəbər verir ki, bir çox insanlar makaron və ya bişmiş kartof yeməyi çox sevirlər. Baxmayaraq ki, bu məşhur yeməklər qan şəkərinin səviyyəsini yüksəldə bilər.

Doktor Maykl Mosli bu problemlə mübarizə aparmaq və sağlamlığınıza zərər vermədən bu qidaları istehlak etmək üçün sadə üsul tapıb.

Həkim bildirib ki, davamlı nişasta lif kimi fəaliyyət göstərir, yəni makaron qızdırıldıqdan sonra şəkər səviyyəsini o qədər də artırmır. Bundan əlavə, həkim karbohidratların davamlı nişastaya çevrilməsinin xolesterol səviyyəsini daha da aşağı sala biləcəyini iddia edir.

Həkimin dediklərini elmi araşdırmalar da təsdiqləyir. Bəs, bunun üçün makaronu necə bişirmək lazımdır?

Mütəxəssisin sözlərinə görə, makarondakı xolesterol səviyyəsini aşağı salmaq üçün makaronu qaynatdıqdan sonra soyuducuya qoymaq lazımdır. Makaron yaxşı soyuduqdan sonra onu yenidən qızdırın.

Bu üsul karbohidratı davamlı nişastaya çevirir - sadəcə qaynadın, soyudun və yenidən qızdırın. Nişasta soyuduqda yenidən kristallaşır və buna görə də qızdırıldıqda onun çox hissəsi saxlanılacaq. Eyni zamanda, yeməyin qida dəyəri təsirlənməyəcək. Bu zaman siz lazımi zülalları, vitaminləri və mineralları qəbul edəcəksiniz.

Milli.Az
Xəbərlərimizi WhatsApp kanalımızdan da oxuyun