İran

İrandan Bakıya yeni hədə

28 Sentyabr 2021 15:36
Baxış: 17 976
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"İran öz sərhədləri yaxınlığında sionist rejimin nümayişkaranə varlığına dözməyəcək".

Bu sözlər İran Xarici İşlər Nazirliyinin rəsmi nümayəndəsi Səid Xətibzadənin yaydığı bəyanatda öz əksini tapıb.

Bəyanatda bildirilir ki, iki ölkə arasında yaxşı bir əlaqə mövcuddur. Eləcə də, iki tərəf arasındakı normal kommunikasiya yollarının ən yüksək səviyyədə olduğunu nəzərə alsaq, səslənən bəyanatlar onlarda təəccüb doğurur. "Bu və digər əlaqəli məsələlər Nyu-Yorkda BMT sessiyasında iki ölkənin xarici işlər nazirlərinin görüşü zamanı ciddi şəkildə müzakirə edilib.

Dialoqun rahat bir yerdə davam etdirilməsinə qərar verilib. İran hər zaman hər hansı bir işğala qarşı çıxaraq, ölkələrin ərazi bütövlüyünə və beynəlxalq səviyyədə tanınmış sərhədlərə hörmət edilməsinin vacibliyini vurğulayıb. Eyni zamanda mehriban qonşuluq prinsiplərinə riayət etmək ən vacib məsələlərdən biridir və biz qonşularımızın buna diqqətini gözləyirik", - deyə bildirilib.

İran XİN rəsmisi daha sonra vurğulayıb ki, ölkələrinin şimal-qərb sərhədlərində təlimlər keçirmək suverenlik məsələsidir, bütün bölgədə sabitlik və sülh naminə aparılır. "Əlbəttə ki, İranın sərhədlərində sionist rejimin nümayişkaranə varlığına dözməyəcəyik və bu kontekstdə milli təhlükəsizliyi üçün zəruri hesab etdiyimiz hər hansı bir tədbir görəcəyimiz göz qabağındadır".

Kamran Seyidov
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.