İran

İrandan mesaj: Ədalətli razılaşma gözləyirik

10 Fevral 2026 17:14
Baxış: 850
VTB-də minimal faiz dərəcəsi ilə nağd kredit 9.9%-dən

İran Prezidenti Məsud Pezeşkian Omanda start götürən nüvə danışıqlarının yeni mərhələsini ölkəsinin nüvə dosyesinin ədalətli və rasional yolla həlli baxımından əhəmiyyətli imkan kimi dəyərləndirib.

Milli.Az xəbər verir ki, onun sözlərinə görə, Tehran Nüvə Silahlarının Yayılmaması Müqaviləsi çərçivəsində qanuni hüquqlarını qorumaqda israrlıdır. Prezident bu hüquqlara uranın zənginləşdirilməsi prosesinin davam etdirilməsi və tətbiq olunan sanksiyaların aradan qaldırılmasının daxil olduğunu bildirib.

Pezeşkian qeyd edib ki, İran danışıqların müsbət nəticə verməsi üçün üzərinə düşən öhdəlikləri yerinə yetirməyə hazırdır və qarşı tərəfdən də real və ölçülü mövqe gözləyir.

Xatırladaq ki, ABŞ və İran nümayəndələri ötən günlərdə Omanda bir araya gəliblər. Görüşlər regionda gərginliyin artması və tərəflərin sərt bəyanatları fonunda diplomatik prosesin yenidən canlandırılmasına yönəlib.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.