İran

İran parlamenti Azərbaycan dili ilə bağlı qərar verdi

28 Fevral 2025 08:33
Baxış: 16 304
VTB-də minimal faiz dərəcəsi ilə nağd kredit 9.9%-dən
#IRAN #AZƏRBAYCAN DİLİ

İran parlamentinin Təhsil Komissiyasının ölkədə məktəblərdə qeyri-fars dillərin və etniklərin ədəbiyyatının tədrisini nəzərdə tutan qanun layihəsi bu gün parlamentin açıq iclasında səsə qoyulub.

Milli.Az xəbər verir ki, bu barədə İran mediası məlumat yayıb.

Məlumata görə, səsvermədə iştirak edən 246 millət vəkilinin 104-ü qanun layihəsinin lehinə, 130-u əleyhinə səs verib, 5 millət vəkili tərəfsiz olub, 7 nəfər isə səsvermədə iştirak etməyib. 

Bununla da İran məktəblərində qeyri-fars dillərin və etniklərin ədəbiyyatının tədrisini nəzərdə tutan qanun layihəsi qəbul edilməyib.

Qeyd edək ki, İran Konstitusiyasının 15-ci maddəsi qeyri-fars dillərin tədrisini deyil, sadəcə etniklərin ədəbiyatının tədrisini nəzərdə tutsa da, bu, 45 ildir icra edilmir.

Qeyd edək ki, İran Prezidenti Məsud Pezeşkianın seçkiqabağı təbliğat kampaniyasının əsas müddəalarından biri 15-ci maddənin icrası idi. (konkret.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.