İran

İranın yeni XİN rəhbəri Araqçi ola bilər

10 İyul 2024 17:46
Baxış: 1 769
VTB-də minimal faiz dərəcəsi ilə nağd kredit 9.9%-dən
#IRAN

İran xarici işlər nazirinin sabiq müavini Abbas Araqçi böyük ehtimalla ölkənin yeni XİN rəhbəri təyin ediləcək.

Milli.Az qafqazinfo-ya istinadən xəbər verir ki, bu barədə məlumatı öz mənbələrinə istinadən "Tasnim" agentliyi yayıb. 

Məlumata görə, İranda yeni seçilən Prezident Məsud Pezeşkianın siyasi məsləhətçiləri hesab edirlər ki, Araqçi ölkənin Xarici İşlər Nazirliyinə rəhbərlik etməyə ən çox uyğun gələn namizəddir. Siyasətçinin namizədliyinin nəzərdən keçirilməsi üçün İran parlamentinə təqdim ediləcəyi gözlənilir. 

Mənbələr qeyd edib ki, Araqçi hazırda Pezeşkianın xarici siyasət məsələləri üzrə müşaviri rolunu icra edir. 

Xatırladaq ki, İranın keçmiş XİN rəhbəri Hüseyn Əmir Abdullahian mayın 19-da baş verən helikopter qəzasında həlak olduqdan sonra onun səlahiyyətlərinin icrası Əli Bağeri Kaniyə həvalə edilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.