İdman

“Messinin transferi üçün 500 milyon təklif etmişdim” - Massimo Moratti

16 Sentyabr 2026 20:46

Baxış: 190

VTB-də minimal faiz dərəcəsi ilə nağd kredit 9.9%-dən

#LİONEL MESSİ

Milanın "İnter" klubunun sabiq prezidenti Massimo Moratti 2012-ci ildə Lionel Messi üçün "Barselona"ya astronomik məbləğ təklif etdiyini boynuna alıb.

Milli.Az qafqazinfo-ya istinadən xəbər verir ki, klubun keçmiş rəhbəri argentinalı ulduz üçün 500 milyon avroluq təklif göndərdiyini bildirib.

"2012-ci ildə bir dəlilik edib Messinin transferi üçün 500 milyon avroluq təklif irəli sürmüşdüm. O dövr üçün bu, ağlasığmaz məbləğ idi. Vitse-prezidentimi danışıqlar aparmaq üçün Barselonaya göndərdim. Lakin Messi hətta məktubu açmadı və detalını belə öyrənmədi. O, karyerası ərzində başqa heç bir komandaya satılmayacaq bir futbolçu olduğunu düşündüyü üçün təklifi oxumadan rədd etmişdi", - deyə Moratti xatırlayıb.

Xatırladaq ki, Messi 2026-cı il dünya çempionatında vurulan 8 qolla 10 qol vuran Kilian Mbappedən sonra ikinci pillədə qərarlaşmışdı. Mundialın finalında İspaniya millisi əlavə vaxtda Ferran Torresin vurduğu qolla Argentinanı 1:0 hesabı ilə məğlub edərək çempion olmuşdu.

Müəllif: Ülkər Vəliyeva (Milli.Az redaktor)