Maraqlı

Köhnə “iPhone” smartfonları yenilənib

24 İyun 2021 21:45
Baxış: 640
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Köhnə "Apple" smartfonları təcili sistem yeniləməsi ilə təmin olunub. Bu barədə "iClarified" nəşri məlumat yayıb.

Milli.Az ictnews.az-a istinadən bildirir ki, ABŞ şirkəti qəflətən köhnəlmiş qurğular - smartfon, planşet və pleyerlər üçün sistem yeniləməsi buraxıb. "iOS 12.5.4" yeniləməsi 2013 və 2014-cü illərdə işıq üzü görən "iPhone 5s" və "iPhone 6" və "6 Plus" modelləri üçün buraxılıb. Həmçinin əməliyyat sisteminin xüsusi versiyası "iPad Air", "iPad mini 2" və "iPad mini 3" planşetləri, altıncı nəsil "iPod touch" pleyeri üçün mövcuddur.

Qeyd olunan qurğular rəsmi satışda yoxdur və aktual "iOS" versiyaları ilə təchiz edilməyəcək. Təhlükəsizlik yeniləməsi ilə təchiz edilən "iOS 12" sistemi 2018-ci ildə təqdim olunub. Yeniləməyə 32 nəfər üçün "FaceTime" videozənglər funksiyası, "Ekran vaxtı" funksiyası, təcili "Siri" komandaları, "Bildirişlər" funksiyasından kodun avtomatik doldurulması imkanları daxildir.

Yeniləmədə təhlükəsizlik sistemi yeniləmələri yer alıb və quraşdırılması tövsiyə olunur.

"Apple" şirkəti ilk dəfə deyil, köhnəlmiş qurğular üçün təcili təhlükəsizlik yeniləmələri buraxır. Martın sonunda şirkət "iPhone 5s", "iPhone 6" smartfonları, üçüncü nəsil "iPad mini", birinci nəsil "iPad Air" planşetləri və altıncı nəsil "iPod touch" pleyeri üçün nəzərdə tutulan "iOS 14.4.2" yeniləməsini təqdim edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.