PUL
.jpg)
Counterpoint Research şirkətinin analitikləri Watch Series 6 smart saatının istehsalının Apple şirkətinə hansı qiymətə başa gəldiyini hesablayıblar. Beləliklə smart saatın ən bahalı detalları Apple S6 prosessoru ilə daxili yaddaşıdır. Belə ki, smart saatın ümumi qiymətinin 24%-i məhz bu detalların payına düşür. Ümumi qiymətin 13%-ni saatın ekranı ilə gövdəsi, 12%-ni isə müxtəlif sensorlar ilə istifadəçi səhhətinin monitorinqi üçün nəzərdə tutulmuş müxtəlif ötürücülər təşkil edir.
Batareya və naqilsiz şarj texnologiyası ümumi qiymətin 6%-ni təşkil edirlər. Bundan əlavə olaraq saatın ümumi qiymətinə onun yığılması, test olunması və proqram təminatı da daxildir. Lakin proqram təminatı ümumi qiymətin yalnız 1%-ni təşkil edir. Beləliklə analitiklərin məlumatlarına əsasən 1 ədəd Watch Series 6 smart saatı Apple şirkətinə 136$-a başa gəlir. Buna baxmayaraq saatın rəsmi qiyməti 400$-dan başlayır. Qeyd etmək lazımdır ki, saatın yekun qiymətinə şirkətin reklam, marketinq və s. kimi xərcləri daxil edilməyib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
