Maraqlı

Oyun həvəskarları üçün “Nokia” smartfonu buraxılacaq

15 Mart 2021 21:20
Baxış: 627
VTB-də minimal faiz dərəcəsi ilə nağd kredit 10.49%-dən

Smartfon istehsalçısı "Nokia" oyun qurğuları bazarına daxil olacaq. Bu barədə "Nokiapoweruser" nəşrinin məlumatında deyilir.

Milli.Az ictnews.az-a istinadən bildirir ki, məlumatda videooyun həvəskarları üçün nəzərdə tutulacağı ehtimal edilən "Nokia G10" smartfonu sadalanır. Blogerlərin fikrincə, "Nokia G10" smartfonunun buraxılışı ilə "HMD Global" şirkəti oyun həvəskarları üçün yeni qurğular seriyasını açacaq. Buna əsas kimi isə qurğunun adı (G - gaming) göstərilir.

Məlumata görə, smartfon 6,4 düym diaqonallı ekran və səkkiznüvəli prosessorla təchiz ediləcək. Əsas kamera dörd obyektivə və 48 meqapikselli aparıcı sensora malik olacaq. Müəlliflərin sözlərinə görə, smartfon texniki xüsusiyyətlərinə görə "Nokia 5.4" modelinə bənzəyəcək. Jurnalistlər xatırladıb ki, 2020-ci ilin dekabrında təqdim edilən "Nokia 5.4" modeli "Snapdragon 662" çipi, 4 sensorlu kamera, 4 min milliamper/saat tutumlu kamera ilə təchiz olunub.

Mütəxəssislərin fikrincə, şirkət eyni anda seriyaya aid bir neçə qurğu təqdim edə bilər. Blogerlər tərəfindən Tailandın tənzimləyici orqanının bazasında "TA-1334", "TA-1351", "TA-1338" və "TA-1346" kod adı ilə yeni smartfonların sadalanması aşkarlanıb. Qurğuların buraxılış tarixi açıqlanmır.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.