Maraqlı

“Xiaomi” avtomobil buraxacaq

27 Fevral 2021 19:50
Baxış: 789
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"Xiaomi" şirkəti yaxın illər ərzində avtomobil buraxa bilər. Bu barədə Çinin "Donews" nəşrinin məlumatında deyilir.

Milli.Az ictnews.az-a istinadən bildirir ki, "Xiaomi" top-menecerləri avtomobil bazarına daxil olmaq imkanını öyrənirlər. Blogerlər qeyd edib ki, korporasiya avtomobilin yaradılması ilə bağlı dəqiq plana malik olmasa da, yaxın vaxtlarda layihə haqqında daha ətraflı məlumat yayıla bilər.

Həmçinin bildirilir ki, müvafiq layihəyə nəzarət bilavasitə şirkətin təsisçisi Ley Tszyun tərəfindən həyata keçiriləcək. "Xiaomi" nümayəndəsinə məsələyə münasibət bildirmək üçün müraciət edən jurnalistlərə sorğuya cavabın bir müddət sonra veriləcəyi bildirilib.

"Xiaomi" rəhbərliyinə yaxın daha bir mənbənin məlumatında oxşar planların mövcudluğu təsdiqlənsə də, korporasiyanın avtomobili yaxın illərdə təqdim etməkdə maraqlı olmaması vurğulanıb. Onun sözlərinə görə, şirkət smartfonlar bazarında böyük paya sahib olduğundan bu seqmentin inkişafı prioritetlik təşkil edir. Bundan başqa, "Xiaomi" Çinin "Baidu" şirkəti kimi pilotsuz texnologiyalar sahəsində texnologiyalara malik deyil.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.