Maraqlı

Dünyada mobil qurğu və internet istifadəçilərinin sayı nə qədərdir?

27 Oktyabr 2020 21:40
Baxış: 488

"We Are Social" təşkilatı "Hootsuite" şirkəti ilə əməkdaşlıqda "Digital 2020 October Global Statshot Report" hesabatını təqdim edib.

Milli.Az ictnews.az-a istinadən bildirir ki, hesabata görə, dünyada 4,14 milyard insan ayda ən azı bir dəfə bu və ya digər sosial media resursundan istifadə edir. Hər gün orta hesabla 2 milyon yeni istifadəçi bu resurslara qoşulur. Bu göstərici ilk dəfə 4 milyardlıq səviyyəni cari rübdə üstələyib.

Həmçinin hesabatda müqayisə üçün qeyd olunur ki, hazırda Yer kürəsi əhalisinin sayı 7,81 milyard nəfər təşkil edir. Beləliklə, oktyabrda sosial şəbəkələrin nüfuzetmə səviyyəsi 53 faizə çatıb.

Mobil telefon istifadəçilərinin sayı 5,2 milyard, internet istifadəçilərinin 4,6 milyard olub. Bu, Yer kürəsi əhalisinin müvafiq olaraq 67 və 60 faizinə bərabərdir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.