Maraqlı

“Google Meet” videozəngləri televizor ekranlarına translyasiya ediləcək

20 Avqust 2020 08:11
Baxış: 571
VTB-də minimal faiz dərəcəsi ilə nağd kredit 10.49%-dən

"Google Meet" videozəngləri televizor ekranlarına translyasiya ediləcək
 
"Google" şirkəti populyarlaşmaqda olan "Google Meet" videokonfranslar servisi üçün növbəti yeniliyi istifadəyə verib.
 
Milli.Az ictnews.az-a istinadən bildirir ki, şirkət "Chromecast" rəqəmli mediapleyeri vasitəsilə "Google Meet" videozənglərini televizor ekranlarına translyasiya etməyə imkan verən yeniləməni yaymağa başlayıb.
 
Məlumata görə, iş üçün "Chromecast" qurğusuna qoşulmuş kompüter və televizor və ya "Chromecast" texnologiyasının quraşdırıldığı televizor/ekran tələb olunacaq. Kompüterdə "Chrome" brauzerinin ən son versiyasının quraşdırılması mütləqdir.
 
Qeyd edək ki, televizora translyasiya zamanı konfrans üçün səs və video kompüterin kamera və mikrofonu vasitəsilə qeydə alınacaq. Yeni videogörüşün translyasiyasına başlamaq, eləcə də davam edən videozəngi böyük ekrana köçürmək mümkündür.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.