Maraqlı

Google axtarış sistemində dəyişiklik

2 İyun 2020 08:51
Baxış: 1 261
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Google axtarış sistemi yaxın zamanda axtarış nəticələrində səhifələrin seçimi alqoritmində dəyişikliklər edəcək. Belə ki, bundan sonra axtarış nəticələrində çıxacaq səhifələrin linklərinə təkcə açar sözlər deyil həmçinin saytın rahatlığı da təsir göstərəcək. Saytın rahatlığı isə istifadəçilərin daxil olduqları müxtəlif veb resursların istifadəçi təcrübəsinə əsaslanacaq. Bu barədə XDA-Developers saytı xəbər verib.

Google şirkətinin təmsilçiləri qeyd ediblər ki, onlar axtarış sorğusunda ortaya çıxan resursların mövqelərinə təsir faktoru kimi saytların rahatlıqlarını da nəzərə alacaqlar. Şirkət əsasən səhifənin yüklənmə sürətini, interaktivliyini, səhifə daxilindəki kontentin stabilliyini, saytın mobil versiyasının dəstəyinin olub-olmamasını, HTTPS-i, saytda olan reklam saylarını və sayt daxilindəki kontentə baxışın təhlükəsizliyini qiymətləndirməyi planlaşdırır.

Məsələn istifadəçi hər hansı bir sayt daxilində planlaşdırmadığı linkə daxil olsa, axtarış sisteminin alqoritmi bunu mənfi istifadəçi təcrübəsi kimi qeydə alacaq. Belə ki, bu halda səhv linkə daxil olmuş istifadəçiyə nə isə mane olub. Google şirkəti qeyd edib ki, axtarış sistemində resursların ortaya çıxması reytinqində dəyişikliklər olsa da əsas faktor kimi yenə də yaxşı informasiya vermə qabiliyyəti qalıb.

Şirkət tərtibatçılarının sözlərinə əsasən bu ilin sonuna kimi Google axtarış sisteminin alqoritmində hansısa ciddi dəyişiklik olmayacaq. İstifadəçi təcrübəsinin qeydə alınması məsələsi isə yalnız gələn il üçün planlaşdırılır. Yeni qaydaların qüvvəyə minməsindən 6 ay öncə Google şirkəti bu barədə rəsmi anons edəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.