Maraqlı

Apple 500 milyon dollar cərimə ödəyəcək – Y avaşıdılan iPhone-lara görə

7 Mart 2020 08:11

0 Şərh Baxış: 1 187

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

"Apple" korporasiyası köhnə "iPhone" cihazlarının sahiblərinə 500 milyon dollaradək ümumi kompensasiya ödəməyə razılaşıb. Bu barədə "Reuters" agentliyi məlumat yayıb.

Milli.Az ictnews.az-a istinadən bildirir ki, korporasiya "iOS" mobil əməliyyat sisteminin yeni versiyaları quraşdırıldıqdan sonra məhsuldarlığı aşağı düşmüş ABŞ-dakı hər bir cihaz üçün 25 dollar ödəməyə razılaşıb.

Məlumata görə, "Apple" sözügedən qərarı qəbul etsə də, öz günahını etiraf etməyib.

2017-ci ilin sonunda "Apple" şirkəti "iPhone" cihazlarının məhsuldarlığının aşağı düşməsini etiraf etmişdi. Şirkətin rəsmiləri bildirmişdilər ki, onlar bunu yalnız yüksək yüklənmə vaxtı cihazın öz-özünə sönməsinin qarşısını almaq üçün ediblər. "iOS 11.3" sistemi çıxarılandan sonra smartfonlarda məhsuldarlığın aşağı düşməsini aradan qaldırmaqla yanaşı, batareyanın vəziyyətini də yoxlamaq imkanı əlçatan olub.

Milli.Az