Maraqlı

“FIDO” Alyansının tərkibi genişlənir

18 Fevral 2020 08:21
0 Şərh     Baxış: 821
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"Apple" şirkəti parolsuz giriş standartının hazırlanması ilə məşğul olan "FIDO" (Fast Identification Online - "Sürətli onlayn identifikasiya") Alyansına yeni üzv seçilib.

Milli.Az ictnews.az-a istinadən bildirir ki, təşkilatın tərkibinə informasiya texnologiyaları sahəsinin "Google", "Microsoft", "Samsung", "Amazon", "ARM" və "Intel" kimi liderləri, eləcə də böyük maliyyə şirkətləri (ING, Mastercard, Paypal və Visa) daxildir.

"FIDO" Alyansı biometrik autentifikasiya (barmaq izi skaneri, sifətin tanınması kamerası) və fiziki açarlar (USB-brelok, "ağıllı" saat) vasitəsilə asanlıqla oğurlanan və ya unudulan parolların əvəzlənməsinin tərəfdarıdır. Bu, bir saytda ələ keçirilən kodun digərində istifadə ehtimalını azaldır.

"Apple" şirkətinin alyansa üzvlüyü parolsuz autentifikasiya imkanının "iOS" və "macOS" sistemli əksər qurğulara quraşdırılacağı deməkdir. Hazırda dəstək məhduddur: məsələn, istifadəçilər "Mac" kompüterlərində bloklanmanı "Apple Watch" vasitəsilə sistemə daxil olmaqla və ya "Face ID" sifət skanerinin köməyi ilə şəxsiyyətlərini təsdiq etməklə çıxara bilirlər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.