Maraqlı

Yeni “iPhone”nun məhsuldarlığı “MacBook Pro” ilə bərabər olacaq

21 Yanvar 2020 08:11
0 Şərh     Baxış: 584
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Apple" smartfonunun növbəti nəsli hesablama gücünə görə makbuklara yaxınlaşacaq. "MacWorld" nəşrinin redaktoru Ceyson Kross belə proqnoz verib. Onun məlumatına görə, "iPhone 12" smartfonu 5 nanometr texnologiya üzrə hazırlanmış "A14" prosessoru ilə təchiz ediləcək.

Milli.Az ictnews.az-a istinadən bildirir ki, yeni "iPhone" üçün çipi Tayvanın "TSMC" şirkəti istehsal edəcək. 7 nanometrdən 5 nanometr istehsal texnologiyasına keçid silisium kristalında 15 milyard tranzistor yerləşməsinə imkan verəcək: daha çox tranzistor yalnız ən qabaqcıl kompüter və server sinfinə məxsus qrafik kartlarda quraşdırılıb.

Daha yüksək takt tezliyi, 6 QB əməli yaddaş və "Apple" mühəndislərinin yeni arxitektura həlli sayəsində "iPhone 12"nin oyunlarda sürəti 50% artacaq. "Yeni "iPhone" Geekbench 5 testində çoxnüvəli rejimdə 5000 bal toplasa, mən təəccüblənmərəm" - Kross deyib.

"Məsələn, ən sürətli Android-smartfonlar bu testdə təxminən 3000 bal toplayır, 5000 qiymətləndirmə isə masaüstü kompüterlərin 6 nüvəli prosessorları və ya məhsuldar noutbuklarla müqayisə edilə bilər, jurnalist yazıb".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.