Maraqlı

Ömrü uzadan çay

18 Yanvar 2020 20:55
0 Şərh     Baxış: 2 655
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Alimlər yaşıl çayın ömrü uzatdığını qeyd edir. Aparılmış təcrübənin nəticələrinə görə, içkinin uzun müddətli istifadəsi ürək xəstəliklərindən yaranan ölüm riskini azaldır. Mütəmadi olaraq yaşıl çay içən insanlar digərlərindən daha uzun yaşayırlar. Bu nəticəyə Çin alimləri gəlib. Tədqiqat nəticələri "European Journal of Preventive Cardiology" jurnalında dərc edilib.

Milli.Az deyerler.org-a istinadən bildirir ki, bu illər ərzində genişmiqyaslı bir təcrübə aparıldı və təcrübədə 100 mindən çox insan iştirak etdi. Məqsəd ürək-damar xəstəliklərinin inkişaf risklərini proqnozlaşdırmaq idi. Nəticələrə görə, yeddi il yaşıl çay içən insanlarda insult riski 20%, ölümcül ürək xəstəliyi və digər səbəblərdən ölüm riski 15% idi. Üstəlik, təcrübədən uzun müddət əvvəl yaşıl çay içən iştirakçıların, insult və digər ürək-damar xəstəliklərinə demək olar ki, 40% az rast gəlinir. Onlarda həmçinin, ölümcül ürək xəstəliyinin inkişaf riski 56% azdır. Alimlər, yaşıl çayın sağlamlıq üçün olduqca faydalı olduğunu söyləyir. Qara çay içən insanlar heç bir yaxşılaşma halları müşahidə olunmamışdır. Mütəmadi olaraq çay istehlakı ürək-damar xəstəliyi və bütün səbəblərini baş verən ölüm riskini azaldır.

Pekinin Çin Tibb Elmləri Akademiyasının akademiki Sinyan Vanın sözlərinə görə, əsasən yaşıl çayın uzun müddət istehlak edilməsi insan orqanizminə müsbət təsir göstərir. Alim ayrıca olaraq, içkinin bioloji aktiv bir komponent baxımından faydalı xüsusiyyətlərinin olduğunu və bunun, ürək-damar xəstəliklərinin inkişafında amil hesab edilən qan təzyiqi və lipid səviyyəsini aşağı salan - polifenol ilə əlaqəli olduğunu qeyd edir. Qeyd edək ki, düzgün qidalanma, sağlam həyat tərzi sürmək məsələlərinə toxunaraq həkimlər, tox qarınla hamamlanmağın təhlükəli olması barədə xəbərdarlıq edir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.