Tvitterin keçmiş əməkdaşları Səudiyyə Ərəbistanına casusluqda ittiham olunur

Tvitterin keçmiş əməkdaşı - Ahmad Abouammo və Ali Alzabarah Səudiyyə Ərəbistanına casusluq etməkdə ittiham olunur.

Milli.Az BBC-yə istinadla xəbər verir ki, ABŞ-ın San Francisco ştatının məhkəməsi Tvitterin sabiq işçilərini bəzi istifadəçilərin şəxsi məlumatlarını pul qarşılığında Səudiyyə hökümətinə ötürməkdə ittiham edir. İstintaq sənədində göstərilir ki, məlumatların ötürüldüyü şəxslər sırasında Səudiyyə hökümətinə müxalif olanlar da var.

Bundan başqa, Səudiyyə Kral ailəsi üçün işlədiyini bəyan edən Səudiyyə Ərəbistanı vətəndaşı Ahmed Almutairiyə də eyni ittiham verilib. O, Tvitterin keçmiş əməkdaşları ilə Riyad arasında əlaqələri təşkil etməkdə gunahladırılıb.

Çərşənbə günü Seattle şəhərində keçirilən məhkəmənin qərarı ilə A.Abouammo "qaçmaq təhlükəsi"nə görə həbsdə qalıb. Məhkəmə cümə günü davam edəcək.

ABŞ Xarici İşlər Nazirliyi digər iki nəfərin Səudiyyə Ərəbistanında olduğunu bildirib.

A.Abouammo sənəd saxtalaşdırmada və Amerika Deferal Təhqiqat Bürosuna (FTB) yalan məlumat verməkdə ittiham olunub.

A.Abouammonun Tvitter şirkətindəki işindən 2015-ci ilə çıxdığı bildirilib.

Tvitterdə mühəndis olaraq çalışmış A.Alzabarah da 2015-ci ildə Səudiyyə rəsmiləri üçün 6 min istifadəçinin şəxsi məlumatlarını əldə etməkdə günahlandırılır.

İstintaqçılar bildiriblər ki, rəhbərlik bu hərəkətlərdən xəbərdar olandan sonra ona inzibati məzuniyyət verilib və o, bundan sonra həyat yoldaşı və qızıyla birgə Səudiyyə Ərəbistanına qaçıb.

Səudiyyə Ərəbistanının ABŞ-dakı Səfirliyi hələki məsələ ilə bağlı aşıqlama verməyib.

Tvitterin yaydığı bəyanatda qeyd olunub: "Tvitterdə dünya ilə düşüncələrini paylaşmaq və hakimiyyətdəkiləri sorğulamaq üçün istifadə edən xeyli insanın qarşılaşdığı inanılmaz riskləri bilirik. Bizim onların gizliliyini və həyati əhəmiyyətli işlərini görmələri üçün müdafiələrini təşkil etmək üçün vasitələrimiz var".

Milli.Az