Maraqlı

Peyğəmbərlərin açıq-aşkar əxlaqsız və iyrənc hərəkətləri - DƏHŞƏTLİ FAKTLAR - FOTO

3 Noyabr 2019 12:24
36 Şərh     Baxış: 21 331

Bibliya (İncil) - dünyada ən çox satılan kitabdır. Eyni zamanda o, insanlıq üçün etika, əxlaq, mənəviyyat dərsi, maraqlı əfsanələr toplusu və "yolgöstərən ulduz" kimi qəbul olunur.

Bununla belə, bu kitabda intim, qətl və zorakılıq hallarına daha çox rast gəlinir, nəinki bədnam "Taxtların oyunu"nda (Game of Thrones).

Qəribə və inanılmaz görünsə də, Bibliya personajlarının çoxu, hansı ki, hamı onları xeyir təcəssümü, mömin hesab edir, bəzən açıq-aşkar əxlaqsız və iyrənc hərəkətlər edirdilər.

Milli.Az geniş kütlə üçün maraq kəsb edəcək, günah burulğanında qıvrılan peyğəmbərlər və digər Bibliya personajlarından bəhs edən yazını təqdim edir:

1. Musa

Musa peyğəmbar daha çox bununla məşhurdur ki, öz zamanında israilliləri Misirdən çıxarıb, eyni zamanda kitabda Qırmızı dənizin ikiyə bölünməsi və Musa peyğəmbərin Allahdan "10 Hökm" alması haqqında danışılır. Amma israillilər 40 il səhrada məqsədsiz dolaşmayıblar: Onlar bu vaxtın böyük hissəsini başqa şəhərlərə müdaxilə ediblər.

Yazılır ki, Madianitlərə qarşı döyüşdə qələbə qazandıqdan sonra Musa peyğəmbər belə bir əmr verib: "Bütün kişiləri öldürün, eyni zamanda hər bir oğlan uşağı olan körpəni də öldürün, kişiləri müdafiə edən, onlardan ayrılmaq istəməyən qadınları da öldürün. Kişilərini təkzib edən qadın və qızları isə özünüzə götürün". Əslində, bu hökmün mənasını yozmaq olduqca çətindir, amma sadə dillə yanaşsaq, müasir düşüncəylə ölçsək, bu, sadəcə kütləvi zorakılıq anlamına gəlir, başqa heç nə.

2. Davud

Çar David İncildə ən mömin adam kimi qələmə verilir. Halbuki o, təkbaşına arvadının xahişi ilə 200 adamı axtalamış və qətlə yetirmişdi. Lakin, bəzi misallar göstərir ki, qəddarlıq və kütləvi qətliamlar, bir qayda olaraq, haqq və doğruluqla əl-ələ gedir. Məsələn, David öz ordusu ilə bir neçə qonşu dövlətlərin torpaqlarına soxulub, onları işğal edib.

Bibliyada bu zorakılıqlarla bağlı geniş məlumat verilmir, sadəcə cüzi səbəblər göstərilir ki, onun öldürdüyü insanlar dünyanın "köhnə sakinlər"i idilər və bu torpaqlar məhv edilməli idi. Yenə müasir düşüncəylə yanaşsaq, belə çıxır ki, çar sadəcə olaraq, bir neçə azsaylı xalqların kökünü kəsib. Yazılır ki, Davidin ordusu işğal etdiyi şəhərlərdə bütün kişi və qadınları öldürüb, sonra isə onların bütün mal-qaralarını öz torpağına aparır və şəhəri viran qoyur. David və Qoliafın mətnində vurğulanır ki, David qalib gəldiyi Qoliafın başını kəsir və özü ilə aparır.

Bəlkə, o vaxt bu hərəkətlər normal idi, Allah məhz belə hökm etmişdi, bəlkə bizim bilmədiyimiz yüzlərlə başqa səbəb var, ancaq faktlara səthi baxanda, yenə də müasir insanın ağlınagəlməz zorakılıqlarla üz-üzəyik.

3. Yelisey

Kitaba görə, Yelisey eramızdan əvvəl IX əsrdə yaşamış peyğəmbər hesab olunur. Onun müəllimi İliya haqq dünyasına qovuşandan sonra Allah ona əmr edir ki, Yeliseyi peyğəmbər olaraq elan etsin. İncildə Yeliseyin adı çoxlu möcüzələrdə keçir: məsələn, İerixon şəhərinə suyu qaytarıb, bir qadının oğlunu dirildib, amma Yeliseyin xidmət siyahısında həqiqətən də digər bir "möcüzə" var ki, məəttəl qalmamaq mümkün deyil.

O vaxt ki, peyğəmbər Vefil şəhərinə gedir, bu zaman onun qarşısına bir qrup uşaq çıxaraq keçəl başına gülürlər. Yeri gəlmişkən, bu yeganə səhnədir ki, İncildə Yeliseyin daz olması xatırlanır. Nəticədə peyğəmbər uşaqları ölüm lənətilə lənətləyir. Dərhal iki ayı gələrək uşaqları tikələrə parçalayır. Bir daha qeyd edirik, bunlar İncildəndir.

4. İail

Bəlkə də çoxları İail haqda hətta eşitməyib. Bibliyada iki general arasında döyüş təsvir edilir: İsrail ordusunun generalı Barak və Xanaan ordusunun lideri Sisara. Vuruşma zamanı tərəzilərin göstəricisi israillilərin tərəfinə əyilir və Sisara səhraya doğru qaçır. Bu zaman israillilər bütün xanaanlıları qətlə yetirirlər. Sisara səhrada Xeber Kenerit adlı müttəfiqinin çadırına rast gəlir.

Xeberin arvadı İail Sisaranı salamlayaraq onu çadırın içinə dəvət edir və deyir ki, o, artıq əmin-amanlıqdadır, qorxulu bir şey yoxdur. Öz nəvbəsində Barak hələ də səhrada Sisaranı tapmaq üçün onu təqib edirdi. İail ədyallar altında Sisaranı gizlədir, gözləyir ki, o, yuxuya getsin. Yuxuya getdikdən sonra isə başına çiv çalaraq qətlə yetirir ki, böyük sərkərdə Baraka hədiyyə etsin.

5. Samson

Samson elə bir insan idi ki, Allah ona qeyri-insani bir güc vermişdi. Səbəb "pis" fələstinliləri məhv etmək. Lakin "nəsə düz getmədi" və Samson daha çox insan öldürməyə başladı - önünə çıxan hər kəsi desək, yanılmarıq. Məsələn, o, 30 adamla mübahisə edir ki, heç kim onun tapmacasının cavabını bilməz. Mərcin əmsalı 30 ipək köynəkdən ibarət idi. Mərc edən 30 insan hiylə ilə Samsonun arvadından cavabı öyrənə bilirlər. Samson uduzur, amma borcu vermək məsələsində dərkedilməz və manyakcasına bir hərəkətə imza atır: 30 başqa insanı qətlə yetirir, onların paltarlarını çıxarır və opponentlərinə verir...

6. İliya

Öncə qeyd etdiyimiz kimi İliya öz varisi Yeliseydən əvvəl peyğəmbər idi. İliyanın peyğəmbər olduğu zamanlarda İsraildə bir dövr yaşandı ki, bir çox insanlar bütpərəstlik allahı Vaalaya ibadət etməyə başladılar. Təbii ki, İlya üçün bu, qəbuledilməz idi. O, Vaalanın 450 "peyğəmbərini" dəvət etdi ki, onların yanlış olduğunu sübut etsin. İliya onlara bir öküzü öldürərək, Vaalanın qurbangahına qoymağı tapşırır, sonra isə ona dua etmələrini istəyir ki, Vaala qurbanı qəbul edib mehrabı alovlandırsın.

"Peyğəmbərlər" bir neçə saat dua edirlər, təbii ki, heç bir nəticəsi olmur. Bundan sonra İlya özü, başqa bir öküzü öldürüb mehraba qoyur və öz Allahına dua etməyə başlayır. Dərhal ocaq alovlanır, tək olan Allaha inancsızlar onu qəbul edirlər... Lakin İlyaya bu az idi və o, Vaalın "peyğəmbərlərini" çayın qırağına apararaq, onların hamısını bir-bir soyuqqanlılıqla qətlə yetirir.

7. İeffay

İeffay Qalaada şəhərində anadan olmuş və zəngin bir insan idi. Amma onun anası yüngül əxlaqlı qadın olur, bu isə o deməkdir ki, İeffay qovulmağa məhkum idi. Onu qovurlar və mirasdan məhrum edirlər. Bir neçə il sonra israillilər ammonityanlara qarşı müharibəyə başlayır. Bilikli və qüvvətli İeffay onlara lazım olur. Onlar İeffayı tapıb, ondan Qalaadaya qayıtmağı və qoşuna rəhbərlik etməsini xahiş edirlər. Bu zaman çar Ammona israillilərə əmr edir ki, ona sadəcə rahat yaşaması üçün imkan versinlər. İsraillilərin cavabı isə sadə olur: "Allah necə desə, elə də edəcəyik".

Beləliklə, İeffay ordunun rəhbəri olur. Və o, savaş qabağı Tanrı ilə saziş bağlayır: əgər qalib gələrsə, onda evə qayıtdığı zaman qarşısına ilk çıxan şəxsi Allaha qurban edəcək. Nəticədə İeffay qələbə ilə evə dönür, ilk olaraq onun qabağına isə şən, balaca qızı qaçır. İeffay, Allahın mərhəmətini qoruyub saxlamaq üçün ona verdiyi vədi yerinə yetirir: öz yeganə qızını qurban kəsir.

8. İequ

Çar İoram amansız çevriliş nəticəsində devrildikdən sonra İsrailin yeni padşahı İequ olur. Taxt uğrunda döyüşdə İequ İoramın 70 nəfərdən ibarət ailə üzvünü qətlə yetirir və kəsilən başları şəhər darvazalarının arxasında topa ilə bir yerə atır. Sonra o, İoramın hələ sağ qalan anasının üstündən öz arabası ilə keçir. Lakin bu da hələ hamısı deyil. Peyğəmbər Yelisey yeni çarı qəbul edəndən sonra, o, daha amansız olaraq "təmizləmə siyasəti"ni davam etdirmək qərarına gəlir.

Onun Vaalaya sitayiş etməsi haqda gəzən şayiələrə son qoymaq üçün əmr edir ki, onun şərəfinə böyük qurbangah qurulsun. Vaalaya ibadət edən bütün qulluqçular bir yerə toplansın. Və Vaalanın ziyarətgahı sözün əsl mənasında qan çanağına dönür. İequ öz ordusuna əmr edir ki, onların hamısını qətlə yetirsinlər. Qeyd etdiyimiz kimi, bütün bu vəhşətlər müqəddəs kitabda yazılanlardır.

9. İisuz Navin

İisus Navin Musa peyğəmbərin varisidir, haqqında müqəddəs kimi Bibliyada və yüzlərlə başqa kitablarda söz açılır. Onun İerixon şəhərinin divarlarını boru səsi ilə dağıtması hadisəsi demək olar ki, hər kəsə məlumdur. Amma əsl soyqırımı haqda danışmağı nəsə sevmirlər. Divarlar çökəndən sonra Navinin ordusu şəhərə daxil olaraq, qarşısına çıxan hər kəsin başını kəsir: kişi, qadın, uşaqlar, fərq etmir. Üstəlik, bu, yeganə hal deyil, Navinin ordusu bütün İsrailin üzərindən od və qılıncla keçir - Laxis, Eqlon, Libna, Xevron və Debir şəhərləri yerlə yeksan, bütün canlılar isə tamamilə məhv edilir.

Zaur Həsənəliyev
Milli.Az

loading...

Şərh yaz:

36 Şərh:

  • Anonim
    abdul · 3 Noyabr 12:2917

    Bu haqda hardasa oxumuşdum ki sonradan tövbə edib hamısı. Nəfsdi bütün bəlalar.

    Cavab yaz
  • Anonim
    Uzaq · 3 Noyabr 12:36313

    İndi də keçdilər peyğəmbərlərə.Müqəddəs hesab etdiklərimizi bu cür iyrənc iftiralarla itirmək istəmərəm.

    Cavab yaz
  • Anonim
    ly · 3 Noyabr 12:48212

    bunu yazan quran oxuyubmu goresen

    Cavab yaz
  • Anonim
    IY-ə · 3 Noyabr 13:0956

    IY, Quranda da söz açılır da məsələn Davudun əsgərin xanımına gözü düşməsindən, sonra tövbə etməsidən filan.

    Cavab yaz
    • Anonim
      F · 4 Noyabr 11:5451

      Sureni ve ayeni de. Sonra ise bilmediyini dediyine gore istigfar ele sonra tovbe et. Yuxaridaki, meqale sher ve bohtandir.

      Cavab yaz
  • Anonim
    Ceyhun · 3 Noyabr 13:46206

    Utanmadan peyğəmbərlərə şər atırlar və bəziləri də kor koranə bunu qəbul edir. Bütün peyğəmbərlər günahsız olublar. Çünki onlar insan üçün nümunədirlər. Nümunə isə səhvsiz olmalıdır...

    Cavab yaz
    • Anonim
      Sade insan · 5 Noyabr 23:4000

      Qurandan dinden xeberleri olsa belə deməzlər!

      Cavab yaz
  • Anonim
    Kənan · 3 Noyabr 13:58153

    Bunların hec biri müsəlman deyil. Mənə nə ilyadan iequdan.

    Cavab yaz
  • Anonim
    asi · 3 Noyabr 14:3462

    Elə bu?? Bəs son??..

    Cavab yaz
    • Anonim
      ƏSİ. · 3 Noyabr 15:1771

      Sonu yoxdur,asi.Hələ də davam etdiyi üçün sonu yoxdur.Kökü var,amma,sonu yoxdur təəssüf ki...

      Cavab yaz
      • Anonim
        asi · 3 Noyabr 15:3752

        Elədir).. Ad dəyişdi, şəkil dəyişdi, məna məzmun, məqsəd dəyişmədi..İndi peyğəmbər yoxdur, amma “peyğəbərləşdirilimiş’’ şəxsiyyətlər var)..Vəzir vəkil yoxdu, nazir var))...

        Cavab yaz
    • Anonim
      Alimardan · 3 Noyabr 16:0196

      necə yəni elə bu? meyer bu azdir? bir birinnen agir statyalar, gesden adam oldurme, razboy, zorlama. gərəy bir kefli kefli maşın da sureydiler he..

      Cavab yaz
      • Anonim
        asi · 3 Noyabr 17:5900

        Yəni..Bu boyda dünyanın 3-5 qatili olmaz hər halda)..

        Cavab yaz
  • Anonim
    ƏSİ. · 3 Noyabr 15:1361

    Başlıq xüsusi olaraq belə seçilib deyəsən:).Bibliya və ”Yol göstərən ulduz”,daha çox qoxunc fantastik nağıllar kitabını andırır.Haqqında yazdıqlarınız isə,peyğəmbər yox,qəddar tarixi qəhrəmanlardır.Demək olar ki bütün xalqların mifologiyalarından çıxmış,şəkil,ad dəyişikliyi ilə hər birində öz yerini tutmuş mifoloji qəhrəmanlar...Yazılanlardan qorxmaq,xoflanmaq lazım deyil.Oxumaq və məlumat toplamaq lazımdır.Hətta vacibdir.Ən azından özünüzü və ətrafınızdakıları cəhalətdən uzaqlaşdırmaq üçün...Yuxarıda Yeftah(İeffay)Allahla saziş bağlayıb-deyə yazmısınız.Bu necə olub??Şəxsən görüşüblər??:))—-Nəzir edib sadəcə,yəni adaq adayıb.Qalib olanda isə adağını yerinə gətirib,qızını qurban edib...Musa haqqında isə çox qısa yazmısınız.Halbuki Musanın tarixi çoox uzağa gedib çatır..Nə isə,mifologiyalar haqqında bir-birinə bağlı silsilə yazılar var,zaman-zaman onlardan məqalələr hazırlansa çox yaxşı olar☺️

    Cavab yaz
  • Anonim
    ALEKS❤ · 3 Noyabr 15:58145

    Burda yazılanlara,Bibliyanın adına çıxılanlara inananlar sadəlövhlərdi.Çünki həqiqi Bibliya yoxdu.təhrif olunmuş neçə cürə Bibliya var.hətta uşaq Bibliyası da var.hərəsi də ayrı ayrı mövzular da....hər nə olur olsun müqəddəs insanlara böhtan şər yazmaq günahdı.belə ,,qəribə yazılara,,,sağlam düşüncə ilə yanaşın.özünüzə sual verin:Allahın sevimlisi müqəddəslər bunu edərdimi?axı onların hər biri İnsanlıq etalonu olublar.

    Cavab yaz
  • Anonim
    Tənqidçi · 3 Noyabr 16:15113

    Bunlar hamısı nağıldılar...anti müselmanların iyrənc fikirləridi...belə şeyləri oxuyanda əsəb keçirdirəm...

    Cavab yaz
    • Anonim
      Əmrah .Ənrah.Almalı · 3 Noyabr 19:2781

      Heç vaxt peyğəmbərdə iyrəc hərəkət olmaz İyrənc hərəkət olandan peyğənbər olmaz

      Cavab yaz
  • Anonim
    men · 3 Noyabr 21:4381

    bu yazini da yazmaq duzgun deyil. peyqemberleri ALLAH secib. ALLAH gunahsiz insanlardan peyqember secir. bu yazilar ele ALLAHA qarsi cixmaq demekdir

    Cavab yaz
  • Anonim
    a · 3 Noyabr 23:3962

    Peyqember böhtan atanlara Allah lənət etsin..Amin.

    Cavab yaz
  • Anonim
    Ziya · 4 Noyabr 01:0721

    Bunlar hamısı boş şeylərdi. Bibleistlər zatən özləri deyirlər ki, Tövrat və İncil dəyişiliblər (bəzi yerləri istisna olmaqla). Bu bir. İkincisi isə odur ki, bu şəkillər əsla sübut ola bilməzlər...

    Cavab yaz
  • Anonim
    Əli · 4 Noyabr 01:1713

    İslam peygemberi ən humanist və hər xalqa onun adət ənənəsinə hörmətlə yanaşan bir şəxsiyyət olub.Qalan peygemberler insan xulyasidir.Nə ediblər bizə nə..

    Cavab yaz
    • Anonim
      111 · 4 Noyabr 09:0030

      Islamin bele danmadiqi peyqemberlere xulya deyib sizmi danirsiniz?

      Cavab yaz
  • Anonim
    vuqar · 4 Noyabr 09:2423

    təəssüf ki yazılanlar həqiqətdir. həqiqətsə həmişə acı olur. bizi həmişə aldadıblar ki ay belə yaxşı olub belə ideal olub. Yox!! hələ bundan da dəhşətli işlər olub. Allah betərindən saxlasın!

    Cavab yaz
  • Anonim
    Serdar · 4 Noyabr 09:4541

    La İlahə illəlləh! Allahın elçilərinə dil uzadanlara ALLAH yetər!

    Cavab yaz
  • Anonim
    g · 4 Noyabr 09:5221

    muqeddes kitablara leke getire bilmezsiz

    Cavab yaz
  • Anonim
    günahkar bəndə · 4 Noyabr 10:3931

    YALAN BÖHTAN İFTİRA DÜŞMƏNÇİLİK BUNİ YAZANLAR ALLAHİ TANİMAYANLARDİ PEYQƏNBƏRLƏR ALLAHİN YER ÜZÜNDƏKİ NƏBİLƏRİDİ PEYQƏNBƏRƏ BÖHTAN ATMAQ ALLAH(CC) QƏZƏBLƏNDİRMƏKDƏN BAŞQA BİR ŞEY DEYİL

    Cavab yaz
  • Anonim
    günahkar bəndə · 4 Noyabr 10:4021

    BUNLAR HAMİSİ TƏXRİBATDİ ALLAH(CC) BİZLƏRİ QORUSUN UYMAYİN

    Cavab yaz
  • Anonim
    ziko · 4 Noyabr 11:3411

    İlk dəfə müsəlman kitabında qadına böyük hörmət qeyd olunub. Müsəlman peyğəmbəri humanist olduğu üçün, insanlar arasında fərq qoymadığı üçün sonuncu peyğəmbər olub. Ta qədimdə başqa dinlərin peyğəmbərlərində olduğu kimi, hal hazırda həmin dinə sitayiş edən dövlət başçıları zalım, qəddar, var- dövlət hərisi, ərazi- neft üçün müsəlmanları öldürüb, evlərini viranə qoyurlar. İnşallah öz başlarına gələr. haradasa oxumuşam Adolf Hitler deyib ki, vaxt gələcək yəhudilərin h hamısını qırmadığım üçün məni qınayacaqsınız.

    Cavab yaz
  • Anonim
    Filantrop · 4 Noyabr 12:2131

    Bu söz-söhbətin içində diqqətimi ən çox çəkən materialın adındakı "dəhşətli FAKTlar" ifadəsi oldu- əfsanədən,əsatirdən,rəvayətdən götürülmüş "faktlar"....

    Cavab yaz
  • Anonim
    Aqil · 4 Noyabr 12:2310

    Ayıb olsun

    Cavab yaz
  • Anonim
    Oxucu · 4 Noyabr 12:2420

    Ən mütərəqqi din İslam dinidir. Bunların adını zorakılıq qoyuruqsa, qətllər, müharibələr, qarğışlar, ölüm, bəla vəd edilməsi "Qurani-Kərim"də də var, amma orada Allahı inkar edən kafirlərə, Allaha şərik qoşanlara, Ona itaət etməyənlərə aiddir. Bu ağır cəzaların Allahın əmriylə edildiyi iddia olunur. Məsələn, "Fil" surəsi: "Rəbbin Məkkənin üstünə gələn həbəş ordusunun üstünə qatar-qatar quşlar göndərdi. O quşlar onlara bişmiş gildən olan möhkəm daşlar atırdı. Rəbbin onları həşərat tərəfindən yeyilmiş əkin yarpağına (saman çöpünə) döndərdi!". Və yaxud, "Əl-Həqqə" surəsində deyilir ki, Hud peyğəmbərə iman gətirməyən - “Səmudlular şiddətli fəryadla qırıldılar. Adlar ümməti isə sərt şaxtalı küləklə həlak oldular. 7 gecə-8 gün ər­­­­zin­də fasiləsiz əsən güclü küləkdən çürümüş xurma ağac­­la­rı­­nın göv­də­ləri kimi qopub yerə sərilmiş insanları görə bi­­lər­din».

    Cavab yaz
  • Anonim
    Aqil · 4 Noyabr 12:2420

    Ayıb olsun

    Cavab yaz
  • Anonim
    Oxucu · 4 Noyabr 12:3520

    (69.10) “Onlar öz Rəbbinin elçisinə itaətsizlik etdilər və O da on­ları getdikcə güclənən əzaba düçar etdi”. Və ya, (69:30) Allah dərgahından belə bir nida gələcəkdir:"Onu tutub qandallayın! (69:31) Sonra da Cəhənnəmə atın! (69:32) Daha sonra onu yetmiş arşın uzunluğunda zəncirlə bağlayın! (69:33). Çünki o, böyük olan Allaha inanmırdı. (69:34) O özü zəkat vermir, acizə, kimsəsizə kömək etmirdi.(69:36) Onun burada irindən başqa bir yeməyi də yoxdur".

    Cavab yaz
  • Anonim
    Əbəlfəss · 5 Noyabr 09:3910

    Ağzınıza gələni yazmayın. Açın Qursni- Kərimi. Əl- Bəqərə surəsini 36-cı ayədən sonra oxuyun. Orada yəhudilər haqqında Allah cəlli cəllali aydın izah edir. Və peyğəmbərlər Məsumdurlar. Onları Allahdan başqa heç kim mühakimə edə bilməz.

    Cavab yaz
  • Anonim
    Azerbaycan can · 5 Noyabr 17:5110

    Niye nece müselman olmagımızdan yazmirsiz qorxursuz ? ereb serkerdesi kuteybe yüz minlərlə Türkü nece soyqırım etmesini bilirsiz ? Cürcan və Talkan qətliyamları her bir Türk başına 100 qızil pul qoymasından niye yazmırsız ?4000 Türkü elleri bagli dört terefine düzüb hamısının boynunu vurulmagından niye yazmırsız?Neden qorxursuz?

    Cavab yaz
  • Anonim
    Sade insan · 5 Noyabr 23:3920

    Allah lənət etsin Allaha Peygəmbərə iftira atanlara və bu iftirani yayib cahilləri inandiranlara!!

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.