Maraqlı

Həzrət Süleymanın təvazökarlığı

15 Sentyabr 2019 23:40
0 Şərh     Baxış: 1 268
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Həzrət Süleymanın (ə) hakimiyyəti, sərvəti o qədər cah-cəlallı, əzəmətli idi ki, tayı- bərabəri yox idi. Amma belə bir məqam sahibi özünü o qədər təvazökar aparardı ki, hətta qarışqa da onu mühakimə edib haqqını istəyərdi.
 
Bir gün Həzrət Süleyman (ə) əlinin üstündəki qarışqanı yerə qoydu. Amma Həzrət Süleyman (ə) o qədər təvazökar idi ki, qarışqa ona etiraz edib dedi: "Bu xudpəsəndlik nədir? Məgər bilmirsən ki, mən də sənin kimi Allah bəndəsiyəm? Sənin nə üstünlüyün var ki, mənimlə belə rəftar edirsən?"
 
Qarışqanın sözləri Həzrət Süleymanı (ə) təsirləndirdi. Düşündü ki, Qiyamət günü bu sayaq mühakimə edilsə, çətin olacaq. Bu fikirlərdən ayrıldıqdan sonra özünə gəlib əmr etdi ki, qarışqanı onun hüzuruna gətirsinlər. Həzrət Süleyman (ə) dedi: "Nə üçün belə qəzəblə etiraz etdin?"
 
Qarışqa belə cavab verdi: "Mənim bədənim zəifdir. Sən məni tutub yerə atanda, bədənim əzildi, narahat oldum. Bu rəftarına görə də etiraz etdim."
 
Həzrət Süleyman (ə) həmişəki təvazökarlıqla dedi: "Mən bu işi pis niyyətlə etməmişəm, sənə verdiyim əziyyətə görə üzr istəyirəm."
 
Bəli, misilsiz əzəmətə malik Süleyman (ə) ən zəif bir varlığı bilmədən azacıq incitdiyi üçün üzr istəyir!
 
Qarışqa deyir: "Mən səni bağışladım; bir şərtlə ki, dünyaya şəhvət və nəfs istəkləri ilə üz tutmayasan, sərvəti insanlara sərf etmək üçün istəyəsən, israfa yol verməyəsən, ləzzətlərə uyub milləti unutmayasan, kömək istəyənlərə öz yardım əlini uzadasan."
 
Qəlbi zəiflərə mərhəmətlə dolu olan Süleyman peyğəmbər qarışqanın şərtlərini qəbul etdi, qarışqa da Süleyman peyğəmbəri bağışladı. ("Kumeyl duasının şərhi", Ustad Hüseyn Ənsarian, səh.166-167.)

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.