Maraqlı

Məşhur həkim damarları qorunmağın yollarını AÇIQLAYIB

17 Avqust 2019 22:10
1 Şərh     Baxış: 1 650
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

"Belə bir deyim var-insanın damarı neçə yaşındadırsa, insan da o yaşdadır. Yəni insan var ki, 35 yaşındadır, damarları qocalıb, 65 yaşındakı kimidir. Deməli, o insanın 35 yox, 65 yaşı var".

Milli.Az e-tibb.az-a istinadən bildirir ki, bunu Respublika Müalicəvi Diaqnostika Mərkəzinin invaziv radioloqu və endovaskulyar cərrahı, professor Ahmet Memiş deyib.

Mütəxəssis deyib ki, damarların sağlamlığı üçün zərərli vərdişlərdən uzaq olmaq zəruridir. Onun sözlərinə görə, bunun üçün gündəlik piyada gəzmək mütləqdir. Sağlamlıq üçün ağır idman etməyə gərək yoxdur.

A. Memiş Ağdəniz qidalanma tərzinin ürək-damar sistemini qoruyan ideal bir qidalanma olduğunu vurğulayıb: "Bunu bütün dünyada sübut ediblər. Bir də gündə 2 litr su içmək lazımdır! Yanınızda mütləq həmişə təmiz su olsun".

Qeyd edək ki, Ağdəniz mətbəxi rəngarəng tərəvəzlər, meyvələr, paxlalılar, zeytun yağı, balıq, qoz, fındıq, badam və s. təbii qidalarla zəngin mətbəx sayılır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.