Maraqlı

Min ildir bu adaya heç kim girə bilmir - FOTO

17 İyul 2019 23:54
6 Şərh     Baxış: 5 209

Şimali Sentinel adasının sakinləri artıq min ildir ki, ətraf aləmdən təcrid olunublar.

Milli.Az qafqazinfo-ya istinadən xəbər verir ki, onlar adaya gəlmək istəyən hər kəsi oxlarla qarşılayırlar və daş dövründəki kimi yaşayırlar.

Bu yolla onlar öz mədəniyyətlərini qoruduqlarını düşünürlər.

19-cu əsrdə qayalıqlarda bir neçə dəfə gəmilər toqquşaraq qəza törədib. Bu zaman heyət sahilə çıxmaq istəsə də, yerli sakinlər onları oxlarla qovublar.

1897-ci ildə buraya qaçaq məhbus arxasınca gələn polislər onu boğazı kəsilmiş halda meşədə tapıb və dərhal da hadisə yerindən qaçaraq uzaqlaşıblar.

1981-ci ildə sahil yaxınlığında "Primrouz" gəmisi görünüb. Yerli sakinlər dərhal onlara oxlarla hücum ediblər. Xoşbəxtlikdən gəmi uzaqda olduğu üçün heç kim xəsarət almayıb. Heyət helikopterlə təxliyə olunub, "Primrouz" isə hələ də atılmış vəziyyətdə orada qalır.

Bir neçə dəfə alimlər onlarla münasibət qurmağa çalışsa da, bu cəhd uğursuz alınıb.

1991-ci ildə hind alimlərindən biri yenidən eyni cəhdi təkrarlayıb. O, bunun üçün ada sakinlərinə qırmızı plasmas vedrələr hədiyyə gətirib. Bir neçə il ərzində yerli sakinlər alimlər tərəfindən sahilə buraxılmış vedrələri götürüblər, lakin onlarla ünsiyyət qurmaqdan imtina ediblər. Ada sakinlərinin danışığından alimlər onların ən qədim zamanlardan təcrid olunmuş vəziyyətdə yaşadıqları qənaətinə gəliblər. Belə ki, onların danışıq dili heç bir dilə bənzəmir.

Onlar hətta 2006-cı ildə pis hava şəraiti ilə əlaqədar qayığı sahilə yan alan iki balıqçını da öldürüblər.

Sözügedən ada rəsmi olaraq Hindistanın tabeliyindədir. Lakin yerli hökumət ada sakinlərinin həyatına müdaxilə etməyəcəyini  bəyan edib. Onlar hətta turistlərə həmin sahilə getməyə icazə vermirlər. Bunun da iki səbəbi var - birincisi bu, turistlər üçün təhlükəlidir, ikincisi isə ada sakinlərinin xəstəliklərə qarşı heç bir immuniteti yoxdur.

Qeyd edək ki, Şimali Sentinel adası 72 kv. metr ərazini əhatə edir və 400 sakini var.

Milli.Az

Məqaləyə dair fotomateriallar:

loading...

Şərh yaz:

6 Şərh:

  • Anonim
    Musa · 18 İyul 01:0920

    Girmək istəsələr bir saatda girərlər. Hələ adanı məhvdə edərlər

    Cavab yaz
  • Anonim
    Hara · 18 İyul 03:3720

    Eger min ildi heçkim gire bilmirse, nece 400 nefer olduğunu anladız?

    Cavab yaz
  • Anonim
    Vehsi · 18 İyul 09:1950

    Bir defe de duz yazinda 72 kv yere 400 neferi sigisdirmaq olar?

    Cavab yaz
    • Anonim
      oxucu · 18 İyul 09:3950

      Mehribançılıq olanda hər şey ola bilər. Hesab elə ki, 400 nəfər 2 otaqlı evdə yaşayır. O birilər də hələ adaya qonaq gəlmək istəyir. Uç ee burdan yer var???

      Cavab yaz
      • Anonim
        Muhendis · 18 İyul 10:4300

        Yeqin 72000 kv - dir.

        Cavab yaz
  • Anonim
    ... · 19 İyul 10:2900

    Bizim gozudoymayan, her şeyi pulla satin alan memurlari aparib tullayasan adaya bu sakinlerin içine. Onda goreler ki, pul ola-ola da çaresiz qaldiqlari meqamlar var

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.