Maraqlı

Azərbaycanda qatar cədvəli, marşrutlar və bilet alışı – artıq DAY.AZ-da

23 İyul 2026 12:05

Baxış: 256

VTB-də minimal faiz dərəcəsi ilə nağd kredit 9.9%-dən

#QATAR

Day.Az Azərbaycanda qatarların hərəkət cədvəlini tez bir zamanda tapmağa, marşrut seçməyə və dəmir yolu biletlərini almağa imkan verən yeni Qatarlar.Day.Az xidmətini istifadəyə verib.

Yeni xidmət rail.day.az ünvanında mövcuddur.

Axtarış etmək üçün yola düşmə və təyinat stansiyalarını seçmək kifayətdir. Bundan sonra sistem dərhal mövcud reysləri göstərir. İstifadəçilərin rahatlığı üçün stansiyaların bir toxunuşla yerini dəyişmək, həmçinin "Yaxınımda" funksiyası vasitəsilə ən yaxın stansiyanı tapmaq imkanı yaradılıb.

Xidmət seçilmiş stansiyadan ən yaxın reyslər barədə məlumat təqdim edir. Buraya yola düşmə vaxtı, marşrut, qatarın nömrəsi, qatarın növü və yola düşməyə qalan vaxt daxildir.

Ayrıca funksiya vasitəsilə qatarların həftənin günləri üzrə hərəkət cədvəlinə də baxmaq mümkündür. İstifadəçilər iş günləri, şənbə, bazar və bayram günləri üçün qrafiklə tanış ola bilərlər.

Axtarışı sürətləndirmək məqsədilə populyar stansiyalar və ən çox istifadə olunan marşrutların siyahısı da təqdim olunur. Xidmət həm şəhərətrafı elektrik qatarlarını, həm də uzaqməsafəli qatarları əhatə edir.

"Qatarlar Day.Az" Azərbaycan, rus və ingilis dillərində fəaliyyət göstərir. Hərəkət cədvəlləri "Azərbaycan Dəmir Yolları" QSC-nin rəsmi sistemi əsasında mütəmadi yenilənir ki, bu da məlumatların aktuallığını təmin edir.

Yeni xidmət artıq istifadəçilərin ixtiyarına verilib və hava proqnozu, onlayn aviareys cədvəli, valyuta məzənnələri və digər faydalı xidmətlərlə birlikdə Day.Az-ın rəqəmsal ekosisteminin bir hissəsinə çevrilib.

Müəllif: Nərmin Mahmudova (Milli.Az müxbir)