İdeal qarğıdalı bişirməyin yolu məlum oldu: 1 qaşıq kifayətdir

Yay aylarının gəlişi ilə küçələrdən yayılan o xoş ətirli südlü qarğıdalı qoxusuna qarşı durmaq demək olar ki, mümkün deyil. Lakin evdə bişirərkən küçədə satılanların yumşaqlığına, ləzzətinə və o şirin aromasına bir cür nail ola bilmirik. Əgər qazana qarğıdalıları atıb üzərinə yalnız su əlavə edərək bişirirsinizsə, böyük bir ləzzətdən məhrum olursunuz.

Milli.Az xəbər verir ki, evdə südlü qarğıdalı bişirərkən edilən ən böyük səhv, suyun içərisinə ilk dəqiqədən duz əlavə etməkdir. Duz, qarğıdalı dənələrinin xarici qabığını bərkidir və bişmə müddətini demək olar ki, iki dəfə uzadır. Nə qədər qaynadırsınızsa qaynadın, qarğıdalınız o lokum kimi yumşaq hala gəlməyəcək. Doğru üsul, duzu qarğıdalı qazandan çıxıb süfrəyə veriləcəyi mərhələdə əlavə etməkdir.

Qazanın içərisinə mütləq əlavə edin
Küçədəki o məşhur qarğıdalıçıların ən böyük sirri, bişirmə suyunun içərisinə əlavə etdikləri maddələrdə gizlidir. Qarğıdalıları qazana qoyduqdan sonra suyun içərisinə bir stəkan süd və bir çay qaşığı toz şəkər əlavə etmək ləzzətin açarıdır. Süd, qarğıdalının liflərini yumşaldaraq pambıq kimi olmasını təmin edərkən; şəkər isə qarğıdalının öz təbii aromasını və şirinliyini zirvəyə çatdırır.

Yarpaq və saçaqlarını zibilə atmayın
Qarğıdalıları soyarkən təmizlədiyiniz o iç hissədəki açıq yaşıl yarpaqlar və qarğıdalı saçaqları əslində tam bir ləzzət qaynağıdır. Qarğıdalıları qazana yerləşdirməzdən əvvəl dibinə və aralarına bu yarpaqları sərmək, bişmə zamanı qarğıdalının aromasının qazanın içində həbs olunmasını təmin edir. Beləliklə, qarğıdalınız sadəcə suda bişmiş olmur, öz özü ilə birlikdə dəm alaraq bişir.

Təzyiqli qazan və kərə yağı ikilisi
Vaxtı məhdud olanlar üçün ən praktik üsul təzyiqli qazandan (skovarodka) istifadə etməkdir. Təzyiqli qazanda südlü və şəkərli su qarışığı ilə bişirilən qarğıdalılar təxminən 20-25 dəqiqə içində yeməyə hazır olur. Qazandan çıxardığınız tüstüsü üstündə qarğıdalıların üzərinə hələ isti ikən çəkilən bir parça keyfiyyətli kərə yağı, ləzzəti tamamilə başqa bir səviyyəyə daşıyacaqdır. Bişmə suyunun qarğıdalıların üzərini tamamilə örtdüyündən əmin olun. Bu kiçik detal, qarğıdalı dənələrinin qurumasının qarşısını alır və hər bir dənənin bərabər dərəcədə yumşaq bişməsini təmin edir.

Müəllif: Ülkər Vəliyeva (Milli.Az redaktor)