PUL
.jpg)
.jpg)
Çinin Quançjou şəhərində yerləşən səkkizmərtəbəli yaşayış binası mülk sahiblərinin köçürülmə tələblərini rədd etməsi nəticəsində inşa edilən nəhəng estakadanın (üst keçidin) tam ortasında qalıb.
Milli.Az xəbər verir ki, Quançjou şəhərinin Haicu bölgəsində yerləşən bu bina ətrafını dövrə vuran nəhəng yol ötürücüsü ilə beynəlxalq ictimaiyyətin diqqətini çəkir. "Yongxing Jie, nömrə 28" ünvanında yerləşən tikili şəhərsalma layihəsinə müqavimət göstərən mülk sahibləri səbəbindən yolun binanın ətrafından dolanması nəticəsində qeyri-adi bir memarlıq mənzərəsinə bürünüb.
Bölgədəki yol tikintisi işləri çərçivəsində 2008-ci ildə sökülmə qərarı verilən binaların sakinləri ilə podratçı şirkətlər arasında danışıqlar başlanmışdı. Sakinlərin böyük bir hissəsi təklif olunan təzminatları qəbul edərək köçsə də, sözügedən sarı binada yaşayan üç sakin şərtləri yetərsiz hesab edərək evi tərk etməkdən imtina etdilər.
İnkişaf etdiricilər və mülk sahibləri arasında ortaq məxrəc tapılmadığına görə tikinti planında dəyişiklik edilib. 2015-ci ildə açılışı edilən "Zhoutouzui" tuneli və ona birləşən yollar binanın ətrafından dolanacaq şəkildə inşa edilib.
Sözügedən tikili həmin tarixdən bəri infrastruktur layihələrinə qarşı nümayiş etdirilən ən diqqətçəkən mülkiyyət müqavimətlərindən biri kimi xarakterizə olunur. Hazırda bina magistral yolun ortasında sanki bir "ada" kimi dayanır və hər gün minlərlə sürücü bu qeyri-adi mənzərənin şahidi olur.
Çində bu cür binalara "Dingzihu" deyilir. Bu termin, ətrafındakı hər şey sökülsə də, taxtadan çıxmayan və sökülməsi çətin olan köhnə bir mıxı simvolizə edir. Bu hallar Çində mülkiyyət hüququ ilə dövlət inkişafı arasındakı gərginliyin ən bariz nümunəsidir.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png_hd.jpg)
.jpg)
.jpg)
.jpg)
