Paltaryuyana 2 tablet əlavə edin: Ağlar yeni kimi olacaq

Müstəqil laboratoriyaların apardığı testlər göstərib ki, bir çox ağ parçalar cəmi bir neçə yuyulmadan sonra parlaqlığını itirməyə başlayır. Mütəxəssislər ağardıcıların uzun müddətdə parçaya zərər verdiyini bildirərək daha təhlükəsiz üsullara üstünlük verilməsini tövsiyə edir.

Milli.Az xəbər verir ki, aspirin (asetilsalisilik turşusu) tabletləri ağ paltarlarda nəzərəçarpacaq dərəcədə ağardıcı təsir göstərir.

Barabana əlavə edilən 2 ədəd aspirin oksigen əsaslı ağardıcılarla müqayisədə parçanın parlaqlığını 20-30% artırır. Aspirin suda həll olunduqda tər ləkələri və sarılığa səbəb olan zülal izlərini parçalayır.

İstifadə qaydası:

Barabana iki aspirin tabletini birbaşa əlavə edin.

Adi toz və ya maye yuyucu vasitəni istifadə edin.

Temperaturu 40-60°C aralığında seçin.

Qurudulduqdan sonra ağların daha homogen və canlı olduğu görünür.

Mütəxəssislər bildirir ki, aspirin kimi asetilsalisilik turşusu tərkibli məhsullar parçalara zərər vermir və xlor əsaslı ağardıcılarla müqayisədə daha yumşaq təsir göstərir.

Yuyucu toz qalıqları və kirəc çöküntüləri ağların tez matlaşmasına səbəb olur. Bundan başqa:

• Aşağı temperaturda qısa proqramlar
• Həddindən artıq yuyucu vasitə istifadəsi
• Açıq və tünd rənglərin eyni maşında yuyulması
• Tez-tez xlor tərrkibli vasitələr istifadə edilməsi ağların sürətlə bozarmasına yol açır.

Araşdırmalara görə, pambıq parçaların 40°C-də qısa proqramda yuyulması görünməz "ilk boz qat"ın yaranmasına səbəb olur.

Aspirindən əlavə, karbonat + limon qarışığının da effektli olduğu bildirilir.

Paltaryuyanın gözünə 2 yemək qaşığı karbonat əlavə edin.

Ləkələr üçün, ilıq su dolu ləyənə hər litr üçün 1 xörək qaşığı karbonat və yarım limonun suyu əlavə edin. 20-30 dəqiqə saxlayıb adi proqramla yuyun.

Karbonat: Kirəci həll edir, sarılığı azaldır.

Limon: Təbii oksidləşdirici rolunu oynayır.

Aspirin: Sarı zülal qalıqlarını həll edir, parlaqlıq verir.

Hansı parça hansı istilikdə yuyulmalıdır?

Pambıq 60°C soda, aspirin

Kətan 40°C soda

Ağ sintetik 30-40°C 1 tablet aspirin

Pambıq-polyester qarışığı 40°C soda + limon

Mütəxəssislər xəbərdarlıq edir ki, 60°C-dən yüksək temperatur bəzi pambıq parçaların liflərini zəiflədə bilər.

TSE və ECHA məlumatlarına görə, ev kimyəvilərinin səhv kombinasiyası ciddi reaksiyalara yol aça bilər. Xüsusilə xlor ilə oksigen əsaslı məhsulların eyni dövrədə istifadəsi parçanın yanmasına və tikişlərin zədələnməsinə səbəb ola bilər.

Lalə Qüdrətova
Milli.Az