Maraqlı

İlk insanların mənşəyi məlum oldu – Yeni tədqiqat

2 Noyabr 2025 11:43
Baxış: 3 010
VTB-də minimal faiz dərəcəsi ilə nağd kredit 9.9%-dən
#MARAQLI

Beynəlxalq antropoloqlar qrupu ilk insanların köç yolları ilə bağlı əhəmiyyətli kəşf edib. Tədqiqat göstərir ki, müasir insanların ilk nəsilləri indiki Cənubi Afrikanın sahillərindən başlamış ola bilər.

Milli.Az xəbər verir ki, araşdırma "Transactions of the Royal Society of South Africa" (TRSSA) jurnalında dərc olunub.

Məqaləyə görə, təxminən 70.000 il əvvəl kiçik insan qrupları Cənubi Afrika sahillərini tərk edərək qitənin şərq sahilləri boyunca hərəkət etməyə başlayıblar. Təxminən 20-30 min il sonra onlar Qırmızı dənizi keçərək Ərəbistan yarımadasına çatıb, oradan isə Avrasiyaya yayılıblar.

Alimlər qeyd edirlər ki, Cənubi Afrika icmalarının mülayim iqlimi, bol resursları və sosial inkişaf səviyyəsi miqrasiyanın başlanması üçün ideal şərait yaradıb.

Tədqiqat nəticələrinə görə, əhalinin artımı, resurslar uğrunda rəqabət və iqlim dəyişikliyi insanların Böyük Miqrasiyaya çıxmasına səbəb olub. Sahil marşrutu isə yalnız qida və su təmin etməklə kifayətlənməyib, həm də böyük yırtıcılardan qorunmaq üçün təhlükəsiz yol rolunu oynayıb.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.