Maraqlı

Torpağın altından elə maddə tapdı ki... - Qızıldan daha dəyərlidir

30 İyul 2025 21:19

Baxış: 1 256

VTB-də yüksək depozit faizleri daha çox qazandırır

#DÜNYADA #MARAQLI

Avstraliyada tapılan daşın içindən qızıl yox, daha dəyərli bir xəzinə çıxıb.

Milli.Az xarici mətbuata istinadla xəbər verir ki, həmin cisimdən dünyada cəmi 17 ədəddir.

2015-ci ildə Avstraliyanın Meriborou bölgəsində metal axtaran həvəskar David Hole torpaq altında qırmızımtıl gil qatı ilə örtülmüş ağır daş tapıb. O, daşın içində qızıl olduğunu düşünsə də əslində daha nadir və dəyərli meteorit kəşf etdiyini sonradan öyrənib.

Hole bu sirli daşı parçalamağa çalışsa da heç bir nəticə əldə etməyib. Nəhayət, o, daşı Melbourne Muzeyinə aparıb. Muzeyin geoloqu Dermot Henri daşın nadir göydaşı olduğunu təsdiqləyib.

"Maryborough meteoriti" adlandırılan bu 17 kiloqramlıq daş alimlər tərəfindən H5 tipli kondrit kimi təsnif edilib. Onun tərkibində Günəş sisteminin ilkin dövrlərinə aid kristallaşmış metal damcıları aşkar olunub. Bu cür daşlar Günəş sisteminin yaşı, tərkibi və mənşəyi barədə mühüm elmi məlumatlar verir.

Araşdırmalara görə bu göydaşı çox güman Mars və Yupiter arasındakı asteroid qurşağından gəlib və 100-1000 il əvvəl Yerə düşüb. O, Viktoriya əyalətində indiyədək tapılmış cəmi 17 göydaşından biridir və ölçüsünə görə ikinci yerdə dayanır.

İsmayıl
Milli.Az