"Daş qəlbli" görünüb "pambıq" kimi ürəyə sahib olan iki bürc

Astrologiyaya görə bəzi bürclər hislərini içində yaşayır, sevgisini büruzə vermir.

Zodiakda bu bürclər soyuq və laqeyd görünsələr də, iç dünyaları tamam başqadır. Xüsusilə elə bürclər var ki, sevsələr də bunu büruzə verməzlər. Onlar üçün tez-tez "duyğusuz" sözü işlədilir.

Astrologiya bu tip insanların soyuqqanlı və analitik davranışlarını planetlərin təsiri ilə əlaqələndirir. Onlar üçün məhəbbət və bağlılıq hissi, sadəcə hiss deyil - əvvəl düşünülməsi, ölçülüb-biçilməsi lazım olan bir məsələdir.

Bəzi bürcləri tanımaq, onların nə hiss etdiyini anlamaq çətindir. Onlar duyğularını göstərməyə meyilli deyillər. Astrologiya bu bürclərin təbiətində güclü müdafiə mexanizmi olduğunu bildirir. Onlar üçün hisslərini ortaya qoymaq zəiflik sayılır. Ona görə də münasibətlərdə soyuq və uzaq görünə bilərlər.

Amma əslində onlar içlərində hər şeyi çox dərindən yaşayırlar, sadəcə bunu nəzarətdə saxlamağı üstün tuturlar. Münasibətlərdə zamanla və etibarla açılırlar, amma ilk baxışda belə görünmürlər.

OĞLAQ BÜRCÜ

Saturn tərəfindən idarə olunan Oğlaq bürcü ciddi, intizamlı və nəzarətli xasiyyəti ilə tanınır. Duyğusal yaxınlıq onlar üçün zaman və zəhmət tələb edir. Onlar sevgini göstərməkdə tələsmirlər. Duyğusuz görünürlərsə də, əslində hisslərini içlərində saxlayırlar. Oğlaq üçün etibar və sadiqlik dərhal yaranmır. Amma onun qəlbinə girməyə nail olsanız, sizi heç vaxt tək qoymazlar.

DOLÇA BÜRCÜ

Zodiakın ən müstəqil və düşüncəli bürclərindən olan Dolça, hisslərə deyil, ağla üstünlük verir. Uran tərəfindən idarə olunan bu bürc fərdiyyətinə çox bağlıdır. Bu da onun münasibətlərdə uzaq və soyuq görünməsinə səbəb olur. Dolça sevgiyə belə məntiqlə yanaşır. Buna görə də tez-tez duyğusuz adlandırılır. Amma onun sevgisi azadlıq tanımaqda və sadiqliyi düşüncə səviyyəsində yaşamaqdadır.

İsmayıl
Milli.Az