Yetimə rəhm edənin və zəiflərə yardım edənin yeri behiştdir

Behiştə daxil olmağın yolları çoxdur. Lakin ən çox tövsiyə edilən yollar bunlardır:
Yetimə rəhm etmək.
İmam Sadiq (ə) buyurur: "O kəs ki, istəyər Allah onu rəhmətinə daxil etsin, behiştdə ona yer versin - gərək əxlaqını gözəl etsin. Hamıya qarşı insaflı olsun, yetimə sevgi bəsləsin, zəifə yardım etsin, onu yaradan Allah üçün təvazökarlıq etsin".
Həzrət Peyğəmbər (s) buyurur: "İsa ibni Məryəm (ə) bir qəbrin yanından keçir ki, sahibi əzab görürdü. Sonrakı il yenə də həmin qəbrin yanından keçir, sahibini əzabda görmür. Allah Təalay müraciətlə deyir: "Birinci il buradan keçəndə sahibi əzabda idi. Lakin sonrakı il əzabda deyildi". Allah ona vəhy etdi: "Ey Ruhullah! Onun layiqli bir övladı həddi-büluğa çatmışdır ki, küçələri islah edib yetimlərə pənah vermişdir. Övladının bu əməlinə görə onu bağışladım".
Həzrət Peyğəmbər (s) buyurur: "O kəs ki, yetimi öhdəsinə götürər və xərcini də özü çəkər, (Həzrət iki orta barmağını birləşdirib buyurdu): Mən və o, bu ikisi kimi behiştdə olarıq".
Əmirəl-möminin (ə) buyurur: "Elə bir mömin qadın və ya kişi yoxdur ki, nəvaziş əlini yetimin başına çəkər, məgər o halda ki, Allah əlinin dəydiyi hər tükə görə ona həsənə yazar".
Həzrət Peyğəmbər (s) buyurur: "O zaman ki, yetim ağlayar, ərş ona xatir titrəyər. Allah Təala buyurur: "Kim Mənim bu bəndəmi ki, kiçik yaşlarından ata və anasını ondan almışam, ağladıbdır? İzzət və Cəlalıma and olsun ki, bir nəfər onu sakit etməz, məgər o halda ki, behişti ona vacib edərəm"".
Əmirəl-möminin (ə) buyurur: "Başqalarının qalmış övladlarına yaxşılıq edin ki, sizin qalan övladlarınıza yaxşılıq edilsin".
İmam Rza (ə) buyurur: "Hər kim yetimin malından zülm və nahaq yerə bir dirhəm yeyərsə, Allah onu atəşdə cavidan qoyar".
Zəiflərə yardım etmək.
Həzrət Peyğəmbər (s) buyurur: "Agah olun o kəs ki, möminin dünya qəmini və giriftarlığını aradan qaldırar, Allah 72 axirət giriftarlığını və 72 dünya giriftarlığını aradan qaldırar".
İmam Sadiq (ə) buyurur: "Dörd nəfər vardır ki, Allah Təala Qiyamət günü onlara rəhmət nəzəri salır: O kəs ki, peşman olana güzəşt edər, o kəs ki, qəmginə yardım edər, insanı qul olmaqdan azad edər, subayın evlənmək vasitələrini hazır edər".
İmam Əli (ə) buyurur: "Böyük günahın kəffarəsi - qəmginə yardım etmək və giriftarlıqlarını aradan qaldırmaqdır".
İmam Sadiq (ə) buyurur: "Hər kim möminin bir giriftarlığını aradan qaldırarsa, Allah da onun axirət giriftarlığını aradan qaldırar. Qəbrindən rahat ürəklə axirətə daxil olar. O kəs ki, möminə yemək verər, Allah ona behişt meyvələrindən yedizdirər".
Allah Təala bizləri behişt əhlindən qərar versin.

Milli.Az