Hadisə

Siyəzəndə quşçuluq sexi qarət edilib - FOTO

5 May 2021 12:19

Baxış: 1 110

VTB-də minimal faiz dərəcəsi ilə nağd kredit 9.9%-dən

Siyəzəndə quşçuluq sexlərindən oğurluq edən şəxslər saxlanılıb.

DİN-in Mətbuat Xidmətinin Şirvan şəhərində regional qrupundan Milli.Az-a verilən məlumata görə, Siyəzən Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayonun Qara Siyəzən və Beşdam kəndləri ərazisində yerləşən beş quşçuluq sexindən isitmə sobaları, elektrik naqilləri, lampalar və sexlərə məxsus digər avadanlıqları oğurlamaqda şübhəli bilinən üç şəxs saxlanılıb. Araşdırmalarla onların Siyəzən rayonu Beşdam kənd sakinləri Vüsal Hüseynov, Ziya Məhərrəmzadə və Samir İlyasov olduqları müəyyən edilib.

Dindirilmə zamanı hər üç şəxs törətdikləri silsilə oğurluq hadisələrini etiraf ediblər.
Faktlarla bağlı V.Hüseynov, Z.Məhərrəmzadə və S.İlyasov barəsində Siyəzən RPŞ-nin İstintaq Bölməsində cinayət işi başlanılıb. Dəstə üzvlərinin başqa oğurluq hadisələrində iştiraklarının olub-olmaması araşdırılır.

Milli.Az