Hadisə

Bakıda daha bir qadın estetik əməliyyatdan sonra öldü

7 Avqust 2026 15:42

Baxış: 529

VTB-də minimal faiz dərəcəsi ilə nağd kredit 9.9%-dən

Bakı şəhər Nəsimi rayonu ərzisində yerləşən "Kəpəz" Hospitalda ölüm hadisəsi baş verib.

Milli.Az "Qafqazinfo"ya istinadla xəbər verir ki, Almaniya vətəndaşı olan Türkiyə əsilli Tulin Turp dünən tibb müəssisəsində keçirdiyi plastik əməliyyatdan sonra vəfat edib.

Bildirilib ki, Tulin Turp klinikada estetik cərrah Seymur Məmmədov tərəfindən əməliyyat edilib və səhhətinin kəskin pisləşməsi səbəbindən həyatını itirib.

Qeyd edək ki, daha əvvəl Seymur Məmmədovun əməliyyat etdiyi 2 qadının ölümü ilə bağlı məlumatlar yayılıb. Bunlar 1989-cu il təvəllüdlü Nilufər Abdulla və 1991-ci ildə anadan olmuş Pərvanə Mirzəyevadır. Hər iki qadının S.Məmmədov tərəfindən "Etalon" klinikasında əməliyyat ediləndən sonra öldüyü bildirilib.

Müəllif: Malik Məlikov (Milli.Az redaktor)