Hadisə

Daha bir yolda təhlükəli vəziyyət yaranıb - Onlarla avtomobil zərər görüb

1 Aprel 2026 11:00

Baxış: 1 144

VTB-də minimal faiz dərəcəsi ilə nağd kredit 9.9%-dən

#SÜRÜCÜ #AVTOMOBİL

Son günlər ölkə ərazisində müşahidə olunan aramsız yağışlar yol infrastrukturuna ciddi ziyan vurub.

Milli.Az xəbər verir ki, ən kritik vəziyyət Qazax-Bakı magistralının Kürdəmir rayonu ərazisindən keçən hissəsində qeydə alınıb.

Məlumata görə, intensiv yağıntılar nəticəsində yol örtüyü bir sıra yerlərdə deformasiyaya uğrayıb, dərin çuxurlar yaranıb. Nəticədə yüzlərlə nəqliyyat vasitəsinə ziyan dəyib. Sürücülər bildirirlər ki, xüsusilə gecə saatlarında hərəkət daha təhlükəli xarakter alır.

Problemi daha da ağırlaşdıran əsas amillərdən biri isə ərazidə işıqlandırma sisteminin olmamasıdır. Qaranlıq şəraitdə çuxurların görünməməsi qəza riskini artıraraq sürücülər üçün real təhlükə yaradır.

Sakinlər və sürücülər aidiyyəti qurumları məsələyə təcili müdaxilə etməyə, yolun təmir olunması və işıqlandırma sisteminin qurulması istiqamətində operativ tədbirlər görməyə çağırır.

Milli.Az