Hadisə

Ağdamda növbəti güclü yanğın hələ də davam edir - yenilənib

25 İyul 2025 00:09
Baxış: 1 731
VTB-də minimal faiz dərəcəsi ilə nağd kredit 9.9%-dən
#YANĞIN

00:09

Ağdam rayonunun Abdal və Gülablı kəndləri ərazisində başlayan yanğın davam edir.

APA-nın Qarabağ bürosu xəbər verir ki, hadisə yerinə FHN-nin yanğından mühafizə xidmətinin briqadaları; canlı qüvvə və texnikaları cəlb olunub.

Gündüz saatlarında ərazidə helikopterlər fasiləsiz çalışıb. Lakin ərazidə tüstü və dumanın yaratdığı görmə məhdudiyyəti havadan müdaxiləni mümkünsüz edib.

Onu da qeyd edək ki, əraziyə ətraf rayonlardan da əlavə heyət cəlb olunub.

Yanğınla mübarizə tam gücü ilə davam etdirilir.

------------
2025.07.24

Ağdamda baş verən güclü yanğın hadisəsinə əlavə kömək cəlb edilib

Milli.Az Trend-ə istinadən xəbər verir ki, rayonun Gülablı kəndində baş verən yanğın genişlənərək ətraf ərazilərə yayılıb.

Bu səbəbdən də əraziyə kömək üçün FHN-nin Ağcabədi, Yevlax şəhərlərindən əlavə yanğınsöndürən maşınları və işçi qüvvələri cəlb edilib.

Hazırda Yevlax rayon yanğınsöndürən briqadası yanğın baş verən əraziyə çatıb.

Digər Ağcabədi rayon yanğınsöndürən əməkdaşları hadisə yerinə çıxış edib. Hazırda ərazidə 1 helikopter, 4 yanğınsöndürən avtomobili və işçi qüvvələri yanğınsöndürmə əməliyyatını davam etdirir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.