Hadisə

Azərbaycanda relsdən çıxıb aşan qatarla bağlı son VƏZİYYƏT - YENİLƏNİB - FOTO

17 İyul 2024 10:18

Baxış: 5 074

VTB-də minimal faiz dərəcəsi ilə nağd kredit 9.9%-dən

#QƏZA #QATAR

"16 iyul tarixində səhər saatlarında Siyəzən rayonunun Zarat stansiyasında hərəkətdə olarkən relsdən çıxmış Rusiya özəl şirkətlərinə məxsus 3 vaqon dünən saat 22 radələrində rels üzərinə qaldırılıb və həmin istiqamətdə qatarların hərəkəti normal qrafik üzrə tam təmin olunub".

Milli.Az xəbər verir ki, bu məlumatı Oxu.Az-ın sorğusuna cavab olaraq "Azərbaycan Dəmir Yolları" QSC-nin Mətbuat Xidmətinin rəhbəri Sənubər Nəzərova verib.

O qeyd edib ki, "Azərbaycan Dəmir Yolları" QSC-nin infrastruktur və hərəkətin təhlükəsizliyi departamentlərinin birgə operativ fəaliyyəti nəticəsində sözügedən sahədə yol təsərrüfatında müvafiq tənzimləmə işləri görülüb, yük vaqonlarının təyinatı üzrə yola salınması üçün hazırlıq işləri tamamlanıb.

Xatırladaq ki, ötən gün saat 11.00 radələrində yükü taxta materiallarından ibarət olan Rusiya özəl şirkətlərinə məxsus üç vaqon Siyəzən rayonunun Zarat stansiyasında hərəkətdə olarkən relsdən çıxıb.

--------------

2024.07.16

Rusiyadan Azərbaycana inşaat materialları daşıyan yük qatarı relsdən çıxıb.

Milli.Az xəbər verir ki, Bizim.Media-ya daxil olan məlumata görə, hadisə dəmir yolunun Siyəzən rayonunun Zarat qəsəbəsindən keçən hissəsində baş verib.

Yük qatarının 3-4 vaqonunun relsdən çıxması nəticəsində vaqonlarda olan taxta və şalban kimi inşaat materialları yola dağılıb. Sahibkarlara ciddi zərər dəyib.

Ölən və xəsarət alanlarla bağlı hələ ki məlumat yoxdur.

Məsələ ilə bağlı "Azərbaycan Dəmir Yolları" QSC-dən rəsmi məlumat verilməyib.

Milli.Az
Xəbərlərimizi WhatsApp kanalımızdan da oxuyun