PUL
Bakının Yasamal rayonunda qeydə alınan qəzada 1 nəfər xəsarət alıb.
Milli.Az APA-ya istinadən bildirir ki, hadisə Abbas Mirzə Şərifzadə küçəsində baş verib.
20 Yanvar metrosu istiqamətində hərəkətdə olan "BMW" markalı minik avtomobilinin sürücüsü işıqforun yaşıl işığından keçmək üçün sürət həddini aşıb.
Nəticədə avtomobil eyni istiqamətdə hərəkət edən "Hyundai" markalı nəqliyyat vasitəsinə çırpılıb.
Qəza zamanı bir nəfər xəsarət alıb.
Əraziyə Yasamal Rayon Polis İdarəsinin əməkdaşları cəlb olunub.
Avtomobillər cərimə meydançasına yerləşdirilib.
Faktla bağlı avtotexniki ekspertiza təyin edilib.
Qəzanın səbəbləri araşdırılır.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
