Hadisə

“Qış Parkı”nın yanındakı keçidə su sızdı - VİDEO

20 İyun 2022 18:07
0 Şərh     Baxış: 424

Sosial şəbəkələrdə bu gün səhər saatlarında Nəsimi rayonunda "Qış parkı" ərazisində, Akademik Milli Dram Teatrının qarşısında yerləşən yeraltı piyada keçidini su basması ilə bağlı görüntülər yayılıb. 

Milli.Az qafqazinfo-ya istinadən xəbər verir ki, görüntülərdən aydın olur ki, insanlar suyun içərisi ilə hərəkət edirlər. Həmçinin keçidin üstündə də gölməçələr yaranıb. 

Məsələ ilə əlaqədar Avtomobil Yolları üzrə Dövlət Agentliyi açıqlama yayıb. Açıqlamada bildirilib ki, su sızması keçidin üzərindəki yaşıllıq ərazinin suvarılması zamanı xəttə baş verən nasazlıqla bağlıdır: "Bu gün səhər saatlarında "Qış parkı" ərazisində, Akademik Milli Dram Teatrının qarşısında yerləşən yeraltı piyada keçidinə su sızması faktı qeydə alınıb. Dərhal əraziyə agentliyin əməkdaşları cəlb olunub. Araşdırma zamanı məlum olub ki, keçidin üzərində yerləşən yaşıllıq ərazinin suvarılması üçün nəzərdə tutulmuş xətdə qəza baş verib və nəticədə su keçidə sızmağa başlayıb.

Problemin aradan qaldırılması üçün aidiyyəti üzrə məlumat verilib".

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics