Texnologiya

Nanopeyklərlə meşə yanğınlarını vaxtında aşkar edəcəklər

1 İyul 2026 07:41

Baxış: 324

VTB-də minimal faiz dərəcəsi ilə nağd kredit 9.9%-dən

Yunanıstan meşə yanğınlarını vaxtında aşkar etmək üçün ilk dəfə nanopeyklərdən istifadə etməyə başlayıb.

Milli.Az xəbər verir ki, bu barədə "Euronews" məlumat yayıb.

Bildirilib ki, ölkədə bu məqsədlə dörd nanopeyk istifadəyə verilib. Bu peyklər yanğın təhlükəsini aşkar edən kimi dərhal yanğınsöndürmə xidmətlərinə xəbərdarlıq göndərir.

Məlumata görə, nanopeyklər Almaniyanın "OroraTech" şirkəti tərəfindən hazırlanıb və bu ilin may ayında orbitə buraxılıb. Süni intellekt və istilik sensorları ilə təchiz olunan cihazlar hətta cəmi 4 metr ölçüsündə olan kiçik yanğın ocaqlarını da müəyyən edə bilir. Adi peyklər isə əsasən daha böyük yanğınları qeydə alır.

Yunanıstanda hər il mayın 1-dən oktyabrın 31-nə qədər olan dövr meşə yanğınları baxımından ən riskli mövsüm hesab olunur.

Qeyd edək ki, son günlər Avropanın bir çox ölkəsində güclü isti hava hökm sürür və bəzi bölgələrdə temperatur üzrə yeni rekordlar qeydə alınıb./"Qafqazinfo"

Müəllif: Ülkər Vəliyeva (Milli.Az redaktor)