Texnologiya

AA və AAA batareyaları sən demə, gücü yox, ölçünü göstərirmiş

19 İyun 2026 00:33

Baxış: 362

VTB-də minimal faiz dərəcəsi ilə nağd kredit 9.9%-dən

#MARAQLI

Gündəlik həyatımızda tez-tez istifadə etdiyimiz batareyaların üzərindəki "AA" və "AAA" hərflərinin nə mənaya gəldiyini heç düşünmüsünüz? Çoxları bu hərflərin batareyanın gücünü və ya enerjisini təmsil etdiyini düşünür, lakin mütəxəssislər bunun tamamilə fərqli bir standart olduğunu açıqlayıblar.

Milli.Az xəbər verir ki, bu kodlaşdırma sistemi əslində heç bir kimyəvi gücü və ya enerji növünü deyil, yalnız və yalnız batareyanın fiziki ölçülərini göstərir.

AA və AAA arasındakı əsas fərqlər:

AA (Orta boy batareya): Ölçüləri təxminən 50,5 x 14,5 mm-dir. Daha böyük həcmə malik olduğu üçün 2000-3000 mAh enerji tutumu var. Bu batareyalar yüksək enerji tələb edən cihazlar (kameralar, uşaq oyuncaqları, güclü fənərlər) üçün idealdır.

AAA (Kiçik boy batareya): Ölçüləri 44,5 x 10,5 mm-dir. Tutumu daha azdır (800-1200 mAh). Daha çox uzaqdan idarəetmə pultları, siçanlar və saatlar kimi kompakt cihazlarda istifadə olunur.

Niyə "A" hərfləri artdıqca batareya kiçilir?
Bu kodlaşdırma sənaye standartlarından qaynaqlanır. İlk istehsal edilən standart batareya ölçüsü "A" idi. Texnologiya inkişaf etdikcə daha kiçik batareyalar istehsal olunduqca, adın yanına əlavə "A" hərfləri artırıldı. Beləliklə, batareya üzərindəki "A" hərflərinin sayı nə qədər çoxdursa, batareya bir o qədər kiçikdir.

Hər iki batareya növü 1,5 volt enerji versə də, ölçüləri fərqli olduğu üçün bir-birini əvəz edə bilməzlər. Səhv batareyanı cihazın yuvasına zorla yerləşdirməyə çalışmaq həm cihazın korlanmasına, həm də elektriksel nasazlıqlara səbəb ola bilər.

Müəllif: Ülkər Vəliyeva (Milli.Az redaktor)