Texnologiya

Kömür mədənlərinin yerini Süni İntellekt mərkəzləri tutacaq

19 Mart 2026 23:25
Baxış: 1 549
VTB-də minimal faiz dərəcəsi ilə nağd kredit 9.9%-dən
#ALMANİYA

Dünyanın ən böyük iqtisadiyyatlarından biri olan Almaniya qlobal texnologiya yarışında mövqeyini möhkəmləndirmək üçün radikal qərar qəbul edir. Almaniya Rəqəmsal İşlər Nazirliyi tərəfindən hazırlanan yeni siyasət sənədinə əsasən, istifadəsi dayandırılan kömür mədənləri və elektrik stansiyaları müasir məlumat mərkəzlərinə (data center) çevriləcək.

Milli.Az xəbər verir ki, Almaniya hökumətinin qəbul etməyə hazırlaşdığı 28 maddəlik tədbirlər paketi ilə məlumat mərkəzi tutumunun iki qat, süni intellekt mərkəzlərinin isə dörd qat artırılması planlaşdırılır.

Məqsəd Almaniyanı Avropanın ən böyük rəqəmsal qovşağına çevirməkdir.

Planın ən maraqlı tərəfi köhnə linyit kömürü mədənlərinə məxsus infrastrukturdan istifadə edilməsidir. Bu stansiyalar artıq şəbəkəyə bağlı olduğu üçün onların məlumat mərkəzinə çevrilməsi həm vaxta, həm də vəsaitə qənaət edəcək.

Şirkətlər vergiləri öz mərkəzi ofislərinə deyil, obyektin yerləşdiyi bələdiyyəyə ödəyəcək ki, bu da yerli əhalinin layihəni dəstəkləməsini təmin edəcək.

Almaniya bu mərkəzlərin tamamilə bərpa olunan enerji ilə işləməsini hədəfləyir. Bundan əlavə, serverlərin soyudulması zamanı yaranan artıq istilik yerli istilik şəbəkələrinə vergisiz və ödənişsiz ötürüləcək ki, bu da ekoloji səmərəliliyi artıracaq.

Yeni siyasət həm də xarici bulud xidmətlərindən asılılığı azaltmağı nəzərdə tutur.

Alman və Avropa şirkətlərinə üstünlük veriləcək.

Almaniyada dövlət-özəl tərəfdaşlığı ilə Avropanın liderliyi altında böyük bir "Süni İntellekt Gigafabriki"nin qurulması gündəmdədir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.