Texnologiya

"Windows 11"dən faydalı funksiya silindi

10 Noyabr 2025 12:56
Baxış: 1 208
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #İNTERNET #WİNDOWS NT SERİES

"Microsoft" korporasiyası "Windows 11" sistemindəki "Telefonla əlaqə" ("Phone Link") tətbiqindən fotoşəkillərə baxış funksiyasını silib.

Milli.Az xəbər verir ki, artıq şəkilləri izləmək üçün istifadəçilərə "Bələdçi" ("File Explorer") vasitəsilə baxmaq təklif olunur, burada smartfondakı mediafayllar çıxarıla bilən disk kimi göstərilir.

Bununla belə, "Telefonla əlaqə" tətbiqinin əsas funksiyaları - bildirişlərin qəbulu və kompüterdən smartfona nəzarət - əvvəlki kimi işləməyə davam edir.

Bir çox istifadəçi bu dəyişikliyi narahatlıq yaradan addım kimi qiymətləndirib, çünki əvvəlki fotoşəkillərə baxış imkanı tətbiqin içərisində tam ekran rejimində şəkilləri açmağa imkan verirdi. İndi isə "Bələdçi"də fayllara kliklədikdə şəkillər ayrıca "Windows" "Şəkillər" (Photos) tətbiqində açılır.

Microsoft həmçinin smartfonu periferiya cihazı kimi istifadə etmək istəyənlər üçün "Mobil cihazlar" ("Mobile Devices") adlı alternativ aləti tövsiyə edir. /Oxu.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.