Texnologiya

OpenAI şirkəti GPT-5 modelini istifadəyə verdi

7 Avqust 2025 22:45
Baxış: 1 666
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #SÜNİ İNTELLEKT

Amerikanın OpenAI şirkətinin məşhur ChatGPT çatbotu üçün hazırladığı yeni GPT-5 süni intellekt modeli artıq bütün istifadəçilər üçün əlçatan olub.

Milli.Az Trend-ə istinadən xəbər verir ki, bu barədə məlumat şirkətin X (keçmiş Twitter) sosial şəbəkəsindəki rəsmi hesabında paylaşılıb.

"GPT-5 burada. Bu gündən etibarən hər kəs üçün əlçatan olacaq", - paylaşımda qeyd olunub.

OpenAI-nin bildirdiyinə görə, yeni model əvvəlki versiyaların ən yaxşı xüsusiyyətlərini özündə birləşdirir və tədqiqat, təhlil, proqramlaşdırma və problem həlli sahələrində daha da inkişaf etdirilib.

Bundan əlavə, istifadəçilərə cavab tonunu seçmək imkanı verilib. İndi beş fərqli şəxsiyyət rejimi mövcuddur: standart, kinli, robot, dinləyici və nerd. Şirkət həmçinin səs rejimini təkmilləşdirib, mesajlar üçün rəng sxemləri əlavə edib və Google poçtu ilə Google təqvimini birləşdirmək funksiyasını istifadəyə verib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.