Texnologiya

Yeni smartfon hazırlandı

6 Mart 2025 15:25
Baxış: 5 912
VTB-də minimal faiz dərəcəsi ilə nağd kredit 9.9%-dən
#MARAQLI #TEXNOLOGİYA #MOBİL TELEFON

Çinin Hubei əyalətinin İçan şəhərindən olan məktəbli Lan Boven köhnə smartfon komponentlərindən və 3D printerdən istifadə edərək özünə məxsus bir qatlanan mobil telefon hazırlayıb.

Milli.Az xəbər verir ki, bu telefon ənənəvi qatlanan modellərdən fərqli olaraq içəriyə deyil çölə doğru qatlanır. Lan Bovenin sözlərinə görə, belə bir dizayn daha rahat istifadə imkanı yaradır və telefonun istifadəsini asanlaşdırır.

Telefonun korpusu Lan Bovenin təxminən 466 manata (iki min yuan) aldığı bir 3D printer vasitəsilə hazırlanıb. Telefonun əsas texniki hissələri isə məktəblinin ailə üzvlərinə məxsus köhnə smartfonların komponentlərindən yığılıb. Bəzi xüsusi detalları isə internet üzərindən sifariş olunub. Bu yenilikçi telefonun hazırlanma prosesini göstərən video yerli sosial şəbəkələrdə böyük maraqla qarşılanıb. Video beş milyona yaxın baxış və 400 min bəyənmə toplayıb.

Lan Bovenin bu layihəsi hətta məşhur "Vivo" şirkətinin rəhbərliyi tərəfindən də tərifləndirilmiş və onun ixtiraçı potensialı yüksək qiymətləndirilmişdir. Bu layihə, gənc m smart ühəndislərin və ixtiraçıların öz yaradıcılıqlarını və innovativ yanaşmalarını necə ortaya qoyduqlarını nümayiş etdirir. Lan Bovenin uğuru texnologiyaya maraqlı olan gənclər üçün böyük bir ilham mənbəyi olub, həm də bir çoxlarının yenilikçi texnologiyalar üzərində daha çox düşünməyə və öz ideyalarını reallaşdırmağa həvəsləndirir. Bu cür layihələr gələcəyin texnologiyalarının necə formalaşacağını və gənc nəsil tərəfindən necə yaradılacağını göstərir.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.