Texnologiya

Qızıldan iPhone təqdim olundu - qiyməti dodaq uçuqladır - FOTO

10 Dekabr 2024 20:00

Baxış: 6 335

VTB-də minimal faiz dərəcəsi ilə nağd kredit 9.9%-dən

#MARAQLI #TEXNOLOGİYA #İPHONE #MOBİL TELEFON #APPLE

Rusiyada qızıl örtüklü iPhone təqdim edilib.

Milli.Az xəbər verir ki, Caviar şirkəti bahalı materiallardan hazırlanmış elektronika istehsalı sahəsində növbəti yeniliyini təqdim edib. Şirkət 21 milyon rubl dəyərində olan və tamamilə 750 əyarlı qızıldan hazırlanmış iPhone 16 Pro Max modelini elan edib. Bu eksklüziv cihazın çəkisi 1 kiloqramdan artıqdır və qiymətli daşlarla bəzədilmiş xüsusi tac dizaynı ilə diqqət çəkir.

Caviar-ın "Corona" kolleksiyasına daxil edilən bu model, "Böyük, Dəhşətli, Möhtəşəm" adını daşıyır. Dizayn elementləri arasında brilyant, yaqut və sapfirlərlə bəzədilmiş tac var. Tacın detallarında Rus çarlarının papağını, müqəddəs Roma İmperiyasının mərcan tacını və Osmanlı hökmdarı Qanuni Süleymanın dəbilqəsini xatırladan elementlər birləşdirilib.

Kolleksiyaya həmçinin, İsveçrə saat estetikasından ilhamlanmış digər modellər də daxildir. Bu modellərdən biri olan iPhone 16 Pro Atlantis Rolex Submariner saatından ilhamlanaraq timsah dərisindən hazırlanan mavi dizayn elementləri ilə bəzədilib. Digər modellər isə Rolex-in imzası olan yaşıl və qara rəngləri əks etdirir.

Caviar-ın təqdim etdiyi bu lüks kolleksiyanın qiymətləri 549 min rubldan başlayaraq qızıl versiyası üçün 21 milyon rubla qədər yüksəlir. Bu cihazlar həm zəngin dizaynı, həm də eksklüziv materialları ilə diqqət mərkəzindədir. /baku.ws

Milli.Az