Texnologiya

Süni intellektə əsaslanan tanışlıq saytı yaradılıb

27 Fevral 2024 03:03

Baxış: 1 268

VTB-də minimal faiz dərəcəsi ilə nağd kredit 9.9%-dən

#MARAQLI #TEXNOLOGİYA #SOSİAL ŞƏBƏKƏLƏR #SÜNİ İNTELLEKT

Rusiyalı proqramçılar süni intellektə (AI) əsaslanan tanışlıq saytı yaradıblar.

Milli.Az Trend-ə istinadən bildirir ki, bu barədə rus KİV-lərinə istinadən xəbər verib.

Məlumata görə, layihənin rəhbəri Yeqor Krasilnikov bildirib ki, onun əsas işi səslə müəyyən edilən parametrlər əsasında cütlük seçməkdir. Bu məqsədlə şəxsiyyətin xüsusiyyətlərini müəyyənləşdirməyə kömək edən Kettell psixoloji testindən istifadə olunur.

Tətbiqdə qeydiyyatdan keçərkən istifadəçi bir neçə səsli mesaj yazır və beş suala cavab verir, o cümlədən həyatında baş vermiş maraqlı hadisənin təsviri, qeyri-adi təcrübə, nailiyyətlər və ideal münasibətlər barədə danışır. Qəbul edilən səs nümunələri istifadəçinin xarakterini müəyyən edən süni intellekt vasitəsilə təhlil edilir.

Bundan sonra istifadəçi faiz nisbətini qeyd edərək, gələcək partnyorun ünsiyyətlilik, zəka, emosional sabitlik və digər şəxsi xüsusiyyətlərini seçir. Alqoritm məlumatları təhlil edir və ən uyğun partnyoru seçir.

Portal hazırda tətbiqin mobil versiyası da daxil olmaqla tam fəaliyyət göstərir.

Milli.Az
Xəbərlərimizi WhatsApp kanalımızdan da oxuyun