Sağlamlıq

Peyvənd çatışmazlığı uşaqları bu xəstəliklərə məruz qoyur

20 İyul 2021 17:27
0 Şərh     Baxış: 886

Keçən il koronavirus səbəbilə təsirə məruz qalan uşaq peyvəndləri yetkinlik yaşına çatmayanlarda müxtəlif xəstəliklərin yayılmasına səbəb ola bilər.

Milli.Az publika.az-a istinadən xəbər verir ki, bu barədə Ümumdünya Səhiyyə Təşkilatı (ÜST) və Birləşmiş Millətlər Təşkilatının Uşaq Fondunun (UNICEF) birgə bəyanatında bildirilib.

"Ölkələr COVID-19 peyvəndləri ilə mübarizə apararkən digər peyvəndlərdən geri qalırıq, uşaqları qızılca, poliomielit və ya meningit kimi riskli, lakin qarşısı alına bilən xəstəliklərə məruz qoyuruq. Çoxsaylı epidemiyalar cəmiyyətlər və sağlamlıq sistemləri üçün fəlakətli olacaq. Bütün səhiyyə sistemləri COVID-19-la mübarizə aparır. Bu səbəbdən uşaq peyvəndlərinə sərmayə qoymaq və hər uşağın vaksinlənməsini təmin etmək hər zamankından daha vacibdir", - ÜST-nin baş direktoru Tedros Adhanom Qebreyesus qeyd edib.

Təşkilat bu səbəbdən Pakistanda qızılca epidemiyasının artıq başladığını açıqlayıb. Eyni zamanda hazırda Hindistan, Pakistan, İndoneziya, Filippin, Meksika, Anqola, Tanzaniya, Mozambik, Argentina, Venesuela və Mali difteriya, tetanus və göy öskürək peyvəndlərindən korluq çəkir.

Qeyd olunub ki, 2020-ci ildə pandemiya səbəbilə 23 milyon uşağın rutin immunlaşdırma və tam vaksinasiya prosesi həyata keçirilməyib. Eyni zamanda il ərzində təxminən 17 milyon uşaq bir dənə də olsun peyvənd almayıb. Vaksinlərin dayandırılmasından ən çox Cənub-Şərqi Asiya və Şərqi Aralıq dənizi bölgələri əziyyət çəkib. Uşaqların qeyri-rəsmi mühitdə və ya gecəqondularda yaşadığı ölkələrdə vəziyyət daha pisdir.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.