Sağlamlıq

Cəlal İsayevdən vətəndaşlara maska ilə bağlı TÖVSİYƏ

8 Aprel 2020 03:30
1 Şərh     Baxış: 1 975
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Ev şəraitində hazırlanan maskalar aptekdə satılan maskalardan fərqlənir. Ancaq aptekdən almağa imkan və şərait olmadıqda istifadə etmək olar.

Milli.Az bildirir ki, bunu publika.az-a açıqlamasında ölkənin baş infeksionisti Cəlal İsayev deyib.

Baş infeksionist bildirib ki, maskalardan bir dəfədən çox istifadə etmək təhlükəlidir: "İnsanlar maskanı qaynadaraq və ya dezinfeksiya edərək təkrar istifadə edirlər. Bu halda maska öz əhəmiyyətini itirir. Adi cərrahi maska taxmaq lazımdır. Bunu da toplum yerlərinə gedərkən, qapalı məkanlarda olarkən istifadə etmək olar. Cərrahi maskaları iki saatdan bir dəyişmək lazımdır".

Cəlal İsayev deyib ki, insanlar virusa yoluxduğunu əvvəlcədən bilmədiyi üçün hər kəsin maskadan istifadə etməsi lazımdır. Çünki yoluxmanın əlamətləri iki həftəyə özünü göstərir. Bu müddətdə də bilmədən ətrafda olan insanları yoluxdura bilərsiniz".

Baş infeksionist qeyd edib ki, havanın kəskin dəyişməsi yoluxmanın sürətlənməsinə səbəb olmayacaq: "Çünki virus müsbət 5-10 dərəcədə yayılır. Bizdə isə hava o qədər də soyuq deyil. Bir neçə gün sonra yenə havalar istiləşəcək və ümid edirəm ki, xəstəliyin inkişafında durğunluq yaranacaq. Artıq 1-2 ilə biz koronavirusu mövsümi infeksiya kimi qiymətləndirəcəyik".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.